كەسٸپكەر باتىر سەيكەنوۆ ەلەۋمەتتٸك جەلٸدەگٸ پاراقشاسىندا بەيبٸت ميتينگٸگە شىعاتىنىن ايتىپ, ٷندەۋ جاسادى. ول كەسٸپكەرلەر مەن قاراپايىم حالىق كيٸكتٸڭ كٶبەيٸپ كەتۋٸنەن زارداپ شەگٸپ وتىرعانىن ايتىپ, مەسەلە كٶتەرگەن.
ونىڭ پٸكٸرٸنشە ەلدە كيٸك سانىن رەتتەۋگە قاتىستى بيلٸك تاراپىنان ەشقانداي ەرەكەتتەر جاسالىنىپ جاتقان جوق, سوندىقتان ول بەيبٸت ميتينگٸگە شىقپاق.
"قۇرمەتتٸ وتانداستار, جەرلەستەر, كەسٸپكەرلەر, ەگٸنمەن اينالىساتىن, شارۋاقوجالىقپەن اينالىساتىن جٸگٸتتەر! بٸلەسٸزدەر بەرٸڭٸز, ٷش -تٶرت جىل بولدى كيٸكتٸڭ سانى قاتتى كٶبەيٸپ كەتتٸ. سەبەبٸ بٸزدٸڭ ٷكٸمەت ونىڭ سانىن رەتتەۋگە ەشقانداي ەرەكەت جاساپ جاتقان جوق. يە, بىلتىر رەتتەدٸ ايقاي-شۋدان. بٷگٸن وسى كيٸكتەن زارداپ شەككەن سٸزدەرسٸزدەر. وسى سەبەپپەن مەن ٶز اتىمنان استانا قالاسىنىڭ ەكٸمٸنە ارىز جازدىم. تامىزدىڭ 10-نە بەيبٸت شەرۋگە... ەستەرٸڭٸزدە عوي, سۋ تاسقىنى كەزٸندە بٸزدٸڭ پرەزيدەنت قاسىم-جومارت توقاەۆ ۋەدە بەرگەن. زارداپ شەككەن بيزنەستەرگە, كەسٸپكەرلەرگە سۋبسيدييا بەرەمٸز, كٶمەكتەسەمٸز, جەردەمدەسەمٸز دەپ. بٸراق, بٷگٸنگە دەيٸن ول بۇيرىق ورىندالماعان. مينيسترلەر تٸكە ايتادى, اقشا جوق, مەحانيزم جوق دەپ. پرەزيدەنت ايتقان سٶزٸن ولار ٸستەمەي وتىر. حالىقتان تىعىلىپ جٷر, بيزنەستەن تىعىلىپ جٷر.
بەيبٸت شەرۋدە كٶتەرٸلەتٸٸن ەكٸنشٸ مەسەلە, كيٸكتەن زارداپ شەككەن - اۋىلدا تۇراتىن قاراپايىم حالىق. ولاردى كيٸكتٸڭ شٸرٸگەن مٷيٸزٸن العانى ٷشٸن سوتتاپ جٸبەرەدٸ. سولارعا امنيستييا قاجەت. موينىنا ٸلگەن ايىپپۇلدى كەشٸرۋ قاجەت.
تاعى بٸر مەسەلە - اسىق مەسەلەسٸ. اسىققا رۇقسات بەرۋ كەرەك. قاراپايىم اۋىلدا تۇراتىن حالىققا مٷيٸز جيناۋعا رۇقسات بەرۋ كەرەك", -دەيدٸ باتىر سەيكەنوۆ.
