قر بٸلٸم جەنە عىلىم مينيسترٸ اسحات ايماعامبەتوۆ مەكتەپ وقۋشىلارىنا قوسىمشا بٸلٸم بەرۋ تۋرالى ايتتى, دەپ حابارلايدى قازاقپارات.
«بيىل بٸز قوسىمشا بٸلٸم بەرۋدٸ دامىتۋدىڭ تۇجىرىمدامالىق نەگٸزٸن بەكٸتتٸك. دامۋ جوسپارى بار. ٶتكەن جىلى پەتروپاۆلدا وقۋشىلار سارايى اشىلدى, قازٸر قاراعاندى, كٶكشەتاۋ جەنە باسقا دا كٶپتەگەن قالالاردا ٷلكەن وقۋشىلار سارايلارىنىڭ قۇرىلىسى باستالدى», - دەدٸ اسحات ايماعامبەتوۆ.
بۇل وقۋشىلار سارايلارىنىڭ بالالارعا بەرەرٸ كٶپ.
«وقۋشىلار سارايىنداعى جاس ناتۋراليستەر, جاس تەحنيكتەر, ٶنەر جەنە مۋزىكا ٷيٸرمەلەرٸ وقۋشىلارعا ارنالعان. مۇندا كەلۋگە ەشكٸمدٸ مەجبٷرلەمەيدٸ, مۇندا رەيتينگ جوق. دەسەك تە بٸزدٸڭ بارلىق وقۋشىلار سارايلارى مەن قوسىمشا بٸلٸم بەرۋ ۇيىمدارى بالالارعا لىق تولى. كەزەككە تۇرعاندار سانى دا ايتارلىقتاي. بۇل تاعى دا بٸزدٸڭ جۇمىسىمىزدىڭ ماڭىزدىلىعىن كٶرسەتەدٸ. بٸراق مەنٸ بٸر نەرسە مازالايدى. ستاتيستيكانى قارادىم. ەلٸمٸز بويىنشا 2019 جىلدىڭ بٸرٸنشٸ قاڭتارىندا 1303 قوسىمشا بٸلٸم بەرۋ ۇيىمى بولعان. قازٸر 1262-سٸ قالىپتى, بۇل - الاڭداتارلىق جەيت. بٸلٸم بٶلٸمٸنٸڭ كەيبٸر باسشىلارى, ٶكٸنٸشكە وراي, وڭتايلاندىرۋ مەسەلەلەرٸن شەشٸپ الدى. ورتا بٸلٸم سالاسىنداعى ۇيىمداردى, ەسٸرەسە قوسىمشا بٸلٸم بەرۋ ۇيىمدارىن وڭتايلاندىرۋ قاجەت دەپ ايتىلعان جوق», - دەدٸ اسحات ايماعامبەتوۆ.
سونداي-اق, ول قوسىمشا بٸلٸم بالالارعا قاجەتتٸ داعدىلاردى يگەرۋگە ىقپال ەتەتٸنٸن جەتكٸزدٸ.
«بٸز ٷشٸن بۇل باعدارلامانى ەزٸرلەۋ جەنە قولداۋ ٶتە ماڭىزدى. روبوتوتەحنيكانى دامىتۋ قاجەت. بٸز بۇعان كٶپ كٷش جۇمسايمىز. IT-مەكتەپتەر اشامىز. سونىمەن قاتار, باسقا باعىتتاردى ەسكەرۋ كەرەك. بۇل تۋريستٸك جەنە ٶلكەتانۋ باعىتتارى, مۋزىكا, سۋرەت مەكتەپتەرٸ, جاس تەحنيكتەر سەكتسيياسى, جاس ناتۋراليستەر جەنە باسقالار. جالپى, ەر تٷرلٸ سالالاردى دامىتۋ كەرەك. سپورت بۇل بٷگٸنگٸ كٷننٸڭ اجىراماس بٶلٸگٸ ەكەنٸن تٷسٸنۋٸمٸز كەرەك. بٸز ويىن الاڭدارى ارقىلى بٸلٸم بەرۋدٸ دامىتۋىمىز كەرەك. بۇل ٷشٸن بٸزدە ٷيلەستٸرۋ كەڭەسٸ بار جەنە بٸز بۇل جۇمىستى جانداندىرامىز», - دەدٸ مينيستر.
ايتا كەتۋ كەرەك, بٷگٸن قر بٸلٸم جەنە عىلىم مينيسترٸ «عالامدىق قۇندىلىقتار جەنە قازاقستان بٸلٸمٸ مەن عىلىمىنىڭ ساپاسى» اتتى رەسپۋبليكالىق فورۋم اياسىندا «بالالارعا قوسىمشا بٸلٸم بەرۋ: مەملەكەتتٸك بٸلٸم بەرۋ ساياساتىنىڭ جاڭا مٸندەتتەرٸ مەن ۆەكتورلارى» سەكتسيياسىنا قاتىستى.
