فوتو: اشىق دەرەككٶزدەن
كيبەربۋللينگكە تاپ بولعان بالالاردىڭ جارتىسى ول تۋرالى اتا-اناسىنا ايتپايدى ەكەن. بۇل تۋرالى استانادا ٶتكەن بريفينگتە يۋنيسەف-تٸڭ بالالىق شاقتى قورعاۋ باعدارلامالارىنىڭ جەتەكشٸسٸ ايسۇلۋ بەكمۇسا ايتتى دەپ حابارلايدى «ۇلت اقپارات».
«يۋنيسەف مەلٸمەتتەرٸ بويىنشا ەلەمدە ەر بٸر ٷشٸنشٸ ينتەرنەت قولدانۋشى - بالا. وقۋ-اعارتۋ مينيسترلٸگٸمەن بٸرگە بىلتىر بٸز قازاقستاندا بالالاردىڭ ونلاين قاۋٸپسٸزدٸگٸ بويىنشا زەرتتەۋ جٷرگٸزدٸك. قازاقستاندا دا بالالار ٶتە ەرتە جاستا ينتەرنەتكە تەز قوسىلا الاتىندىعىنا كٶزٸمٸز جەتتٸ. زەرتتەۋ بويىنشا ينتەرنەتكە قوسىلاتىن بالالاردىڭ 49 پايىزى 5-8 جاس ارالىعىندا, ال بالالاردىڭ 5 پايىزى ودان دا ەرتە, ياعني 4 جاستان كٸشٸ كەزٸندە ينتەرنەتكە قوسىلادى. سوندىقتان وسى مەسەلەگە نازار اۋدارعىم كەلەدٸ. بٸراق ينتەرنەت ەڭ ەۋەلٸ بالالاردىڭ دامۋىنا, بٸلٸم الۋىنا, شىعارماشىلىعى مەن ەلەۋمەتتٸك بەيٸمدەلۋٸنە مٷمكٸندٸك. مۇنى بٸلە وتىرىپ, ونىڭ قاۋٸپٸ دە بار ەكەنٸن تٷسٸنۋٸمٸز كەرەك. زەرتتەۋ بويىنشا 21 پايىز بالا كيبەربۋللينگتٸڭ تٷرلٸ فورماسىنا تاپ بولعان جەنە ول بالالاردىڭ جارتىسى عانا ٷلكەندەرگە بۇل تۋرالى ايتقان. سوندىقتان اتا-انالار بالا ينتەرنەتتە قانداي قاۋٸپپەن كەزدەسۋٸ مٷمكٸن ەكەنٸن تولىق تٷسٸنە بەرمەۋٸ مٷمكٸن. ول وتباسىندا ەرەسەك ادام مەن بالا اراسىندا سەنٸم قالىپتاسپاعانىن كٶرسەتۋٸ مٷمكٸن», -دەيدٸ ايسۇلۋ بەكمۇسا.
