Foto: ashyq derekkózden
Kiberbýllingke tap bolǵan balalardyń jartysy ol týraly ata-anasyna aitpaidy eken. Bul týraly Astanada ótken brifingte IýNISEF-tiń balalyq shaqty qorǵaý baǵdarlamalarynyń jetekshisi AISULÝ BEKMUSA aitty dep habarlaidy «Ult Aqparat».
«IýNISEF málimetteri boiynsha álemde ár bir úshinshi internet qoldanýshy - bala. Oqý-aǵartý ministrligimen birge byltyr biz Qazaqstanda balalardyń onlain qaýipsizdigi boiynsha zertteý júrgizdik. Qazaqstanda da balalar óte erte jasta internetke tez qosyla alatyndyǵyna kózimiz jetti. Zertteý boiynsha internetke qosylatyn balalardyń 49 paiyzy 5-8 jas aralyǵynda, al balalardyń 5 paiyzy odan da erte, iaǵni 4 jastan kishi kezinde internetke qosylady. Sondyqtan osy máselege nazar aýdarǵym keledi. Biraq internet eń áýeli balalardyń damýyna, bilim alýyna, shyǵarmashylyǵy men áleýmettik beiimdelýine múmkindik. Muny bile otyryp, onyń qaýipi de bar ekenin túsinýimiz kerek. Zertteý boiynsha 21 paiyz bala kiberbýllingtiń túrli formasyna tap bolǵan jáne ol balalardyń jartysy ǵana úlkenderge bul týraly aitqan. Sondyqtan ata-analar bala internette qandai qaýippen kezdesýi múmkin ekenin tolyq túsine bermeýi múmkin. Ol otbasynda eresek adam men bala arasynda senim qalyptaspaǵanyn kórsetýi múmkin», -deidi Aisulý Bekmusa.
