كوللاج: Ult.kz
مەملەكەت باسشىسى تەلەكٶپٸر ارقىلى KIA Qazaqstan اۆتوموبيل زاۋىتىن اشتى. پرەزيدەنت قاسىم-جومارت توقاەۆ ٸس-شاراعا قاتىسۋشىلاردى زاۋىتتىڭ اشىلۋىمەن قۇتتىقتاپ, بۇل ەلٸمٸزدەگٸ ماشينا جاساۋ سالاسىن دامىتۋ باعىتىنداعى ٶتە ماڭىزدى قادام ەكەنٸنە نازار اۋداردى, دەپ حابارلايدى Ult.kz اقورداعا سٸلتەمە جاساپ.
مەملەكەت باسشىسى وسىدان ەكٸ جىل بۇرىن قوستانايعا ساپارى كەزٸندە KIA Sportage اۆتوكٶلٸگٸنٸڭ ٶندٸرٸسٸ ٸسكە قوسىلعانىن ەسكە سالدى. بٷگٸن Kia Motors كورپوراتسيياسىمەن جاسالعان كەلٸسٸمگە سەيكەس زاۋىت اشىلدى.
قاسىم-جومارت توقاەۆ KIA Corporation پرەزيدەنتٸ حو-سۋنگ سونگقا جەنە كومپانيياعا شىنايى ريزاشىلىعىن بٸلدٸرٸپ, اۋقىمدى جۇمىس اتقارىلعانىن, نەتيجەسٸندە ٶزارا تيٸمدٸ جەنە جەمٸستٸ بايلانىس نىعايا تٷسكەنٸن اتاپ ٶتتٸ.
"جالپى, بٷگٸنگٸ ايتۋلى وقيعا قازاقستان مەن كورەيا اراسىنداعى ستراتەگييالىق سەرٸكتەستٸك پەن تابىستى قارىم-قاتىناستىڭ جارقىن كٶرٸنٸسٸ ەكەنٸ انىق. كورەيا رەسپۋبليكاسى – قازاقستاننىڭ ازيياداعى سەنٸمدٸ ەرٸپتەسٸ. بٸز ىنتىماقتاستىعىمىزدى كٷشەيتە تٷسۋگە مٷددەلٸمٸز. قازٸر قازاقستاندا كورەيانىڭ 800-دەن استام كومپانيياسى تابىستى جۇمىس ٸستەپ جاتىر. سونىڭ ٸشٸندە اۆتوكٶلٸك جاساۋ سالاسىن ٶزارا تيٸمدٸ ىقپالداستىق كٶزٸ دەپ ايتۋعا تولىق نەگٸز بار. بٷگٸن اشىلىپ جاتقان بٸرەگەي زاۋىت – سونىڭ ايقىن دەلەلٸ. كٸا كورپوراتسيياسى اۆتوموبيل شىعاراتىن ەلەمدەگٸ 10 ٸرٸ كومپانييانىڭ قاتارىنا كٸرەدٸ. سونداي-اق كٸا – قازاقستان ازاماتتارى ەڭ كٶپ ساتىپ الاتىن ٷش كٶلٸك ماركاسىنىڭ بٸرٸ. KIA برەندٸنٸڭ اتاۋى «كٶتەرٸلٸپ كەلە جاتقان» جەنە «ازييا» دەگەن ەكٸ يەروگليفتەن قۇرالۋىنىڭ سيمۆولدىق مەنٸ بار. شىن مەنٸندە, كومپانييا ازييانىڭ جاڭا ەكونوميكالىق ٶرلەۋٸ مەن گٷلدەنۋٸنٸڭ جارقىن كٶرٸنٸسٸنە اينالدى. KIA – كەلەشەكتٸڭ كورپوراتسيياسى. كەسٸپورىن شىعاراتىن اۆتوكٶلٸكتەردە وزىق تەحنولوگييا, تارتىمدى ديزاين جەنە جوعارى دەڭگەيدەگٸ سەنٸمدٸلٸك ٷيلەسٸم تاپقان, – دەدٸ پرەزيدەنت.
قاسىم-جومارت توقاەۆ KIA كومپانيياسى ەلەۋمەتتٸك جاۋاپكەرشٸلٸك اياسىندا ادام كاپيتالىن دامىتۋعا بەلسەندٸ تٷردە ينۆەستيتسييا سالىپ كەلە جاتقانىنا توقتالدى.
"ەلەمدٸك اۆتوالپاۋىت ەلٸمٸزدەگٸ زاۋىتتى ٸسكە قوسپاي تۇرىپ, قازاقستان جەنە كورەيا ۋنيۆەرسيتەتتەرٸمەن, كوللەدجدەرٸمەن ۇزاق مەرزٸمدٸ ىنتىماقتاستىقتى جولعا قويا باستادى. بۇدان بٶلەك, بٸلٸكتٸ كادرلاردى دايارلاۋ ٷشٸن كومپانييا كورپوراتيۆتٸك وقۋ ورتالىعىن اشۋدى جوسپارلاپ وتىر. KIA وسى ارقىلى قىزمەتكەرلەرگە قامقورلىق – ۇيىم مەدەنيەتٸنٸڭ ماڭىزدى بٶلشەگٸ ەكەنٸن كٶرسەتەدٸ. بۇل شىنايى قۇرمەت پەن نيەتتەستٸك ورتاسىن قالىپتاستىرادى. جۇمىسشى ماماندارعا دەل وسىنداي قارىم-قاتىناس قوعامدا ەڭبەكقورلىق پەن ەلەۋمەتتٸك ەدٸلدٸك قۇندىلىقتارىنىڭ ورنىعۋىنا سەپتٸگٸن تيگٸزەدٸ. زاۋىتتا ٶندٸرٸس لوكاليزاتسيياسىنا ەكپٸن قويىلىپ وتىر. بۇل شىعارىلاتىن ٶنٸمدەگٸ قازاقستاندىق ٷلەستٸ ەدەۋٸر ارتتىرۋعا مٷمكٸندٸك بەرەدٸ. ساراپشىلاردىڭ ەسەبٸنشە, اۆتوزاۋىتتاعى ەربٸر جۇمىس ورنى لوگيستيكا, سەرۆيس, ينفراقۇرىلىم سالالارىندا جاناما تٷردە بەس-التى ادامدى جۇمىسپەن قامتۋعا ىقپال ەتەدٸ. بۇل – جاي عانا ٶندٸرٸس جەلٸسٸنٸڭ كەڭەيۋٸ ەمەس, تولىق ٶنەركەسٸپ كلاستەرٸن قالىپتاستىرۋ ٷشٸن جاسالعان زور قادام. مۇنداي جٷيەدە شاعىن جەنە ورتا بيزنەس تۇراقتى دامۋعا مٷمكٸندٸك الادى. ٶندٸرٸستٸ ۇيىمداستىرۋدىڭ وسىنداي كەشەندٸ تەسٸلٸ قوستاناي وبلىسىنىڭ عانا ەمەس, تۇتاس ەلٸمٸزدٸڭ يندۋسترييالىق ەلەۋەتٸن كٷشەيتەدٸ. KIA زاۋىتى قازاقستاندىق اۆتوٶنەركەسٸپتٸڭ ٶركەندەۋٸنە تىڭ سەرپٸن بەرەتٸنٸنە سەنٸمدٸمٸن. جاڭا كەسٸپورىننىڭ جۇمىسى وتاندىق اۆتوپاركتٸڭ جاڭارۋىنا سەپتٸگٸن تيگٸزەدٸ. ول قالالار مەن كٷرە جولدارداعى جول قوزعالىسى قاۋٸپسٸزدٸگٸنە وڭ ەسەر ەتەدٸ, – دەدٸ مەملەكەت باسشىسى.
پرەزيدەنت مەملەكەتتٸڭ ماشينا جاساۋ سالاسىنا باسا مەن بەرەتٸنٸن جەتكٸزدٸ.
"بىلتىر وسى سالاعا 290 ميلليارد تەڭگەدەن استام ينۆەستيتسييا تارتىلدى. بۇل – الدىڭعى جىلمەن سالىستىرعاندا ەكٸ جارىم ەسە كٶپ. وسى ٷردٸس بيىل دا جالعاسۋدا. جىل باسىنان بەرٸ وسى سالاعا 178 ميلليارد تەڭگە قاراجات سالىندى. ينۆەستورلار قازاقستانعا زور قىزىعۋشىلىق تانىتىپ وتىر. اۋقىمدى شارالاردىڭ نەتيجەسٸندە بۇل باعىتتا بٸرقاتار تابىسقا قول جەتكٸزدٸك. ٶتكەن جىلى ەلٸمٸزدە 145 مىڭنان استام كٶلٸك شىعارىلدى. استانا, الماتى, سەمەي, ورال, كٶكشەتاۋ, قوستاناي جەنە ساران قالالارىندا اۆتوكٶلٸك ٶندٸرٸسٸنە قاتىستى كەسٸپورىندار جۇمىس ٸستەپ تۇر. ون مىڭنان استام ازاماتىمىز وسى سالادا ەڭبەك ەتەدٸ. ونىڭ جارتىسىنا جۋىعى – جاستار. ال قوستانايداعى زاۋىتتا بٸر جارىم مىڭ ادام جۇمىس ٸستەيتٸن بولادى. جۇمىسشىلار جاڭا داعدىلاردى يگەرٸپ, بٸلٸكتٸ مامان رەتٸندە قالىپتاسادى. الداعى ۋاقىتتا كەسٸپورىن ينجەنەرلەردٸڭ ناعىز شەبەرحاناسى بولادى دەپ سەنەمٸن", – دەدٸ قاسىم-جومارت توقاەۆ.
مەملەكەت باسشىسى: «ەندٸ ازاماتتارعا اۆتوكٶلٸكتٸ ليزينگپەن الۋ مٷمكٸندٸگٸ ۇسىنىلادى»
پرەزيدەنت جاقىندا ٷكٸمەتكە ەكونوميكالىق احۋالدى تۇراقتاندىرۋ ٷشٸن ناقتى شارالار ەزٸرلەۋ تۋرالى تاپسىرما بەرٸلٸپ, وسىعان بايلانىستى بٸرقاتار ماڭىزدى شەشٸم قابىلدانعانىن ايتتى.
"سوعان سەيكەس ەندٸ ازاماتتارعا اۆتوكٶلٸكتٸ ليزينگپەن الۋ مٷمكٸندٸگٸ ۇسىنىلادى. سونىڭ ارقاسىندا اۆتوكٶلٸكتەر حالىققا مەيلٸنشە قولجەتٸمدٸ بولا تٷسپەك. ەلٸمٸزدە KIA Qazaqstan زاۋىتىنىڭ ٸسكە قوسىلۋى وسى سالانى تەحنولوگييالىق تۇرعىدان جاڭعىرتۋعا زور سەرپٸن بەرەرٸ سٶزسٸز. كەسٸپورىن بولاشاقتا باسقا دا جاڭا كٶلٸك تٷرلەرٸن شىعارادى دەپ سەنەمٸن. وسىلايشا, ەلەمدٸك وزىق تالاپتارعا ساي كٶلٸكتەرٸمٸزدٸ سىرتقى نارىققا, ياعني شەتەلگە شىعارۋعا مٷمكٸندٸك بولماق. قازاقستان جاھاندىق اۆتوكٶلٸك ٶنەركەسٸبٸنٸڭ دامۋىنا بار كٷش-جٸگەرٸن سالۋعا دايىن", – دەدٸ پرەزيدەنت.
KIA Qazaqstan زاۋىتىن سالۋ تۋرالى شەشٸم 2023 جىلى قابىلداندى. كەسٸپورىن قوستاناي قالاسىنىڭ يندۋسترييالىق ايماعىنداعى 62,95 گەكتار اۋماقتا ورنالاسقان. زاۋىت جىلىنا 70 مىڭ كٶلٸك ٶندٸرە الادى. ينۆەستيتسييا كٶلەمٸ – 131,5 ميلليارد تەڭگە. كەسٸپورىندا 1500 جۇمىس ورنى اشىلعان. ال ونىڭ ٶنٸمٸ قازاقستانعا, ورتالىق ازييا جەنە ەاەو ەلدەرٸنٸڭ نارىقتارىنا شىعارىلادى.
سونداي-اق مەملەكەت باسشىسى قاسىم-جومارت توقاەۆ KIA Corporation پرەزيدەنتٸ حو-سۋنگ سونگتى ٸٸ دەرەجەلٸ «دوستىق» وردەنٸمەن ماراپاتتادى.
"بٸز سٸزدٸڭ قازاق-كورەي ىنتىماقتاستىعىنىڭ دامۋىنا, قوس حالىقتىڭ اراسىنداعى دوستىقتىڭ نىعايۋىنا قوسقان ٷلەسٸڭٸزدٸ جوعارى باعالايمىز. شىن مەنٸندە, ەلٸمٸزدٸڭ اۆتوكٶلٸك سالاسىن دامىتۋعا سٸڭٸرگەن ەڭبەگٸڭٸز مول", – دەدٸ پرەزيدەنت.
