حالىقارالىق شايبالى حوككەي فەدەراتسيياسى 2020 جىلعى ەلەمدٸك رەيتينگتٸ جارييالادى, دەپ حابارلايدى "ۇلت اقپارات" Olympic.kz-كە سٸلتەمە جاساپ.
جىل سايىن تٷزٸلەتٸن رەيتينگتە ەلەم چەمپيونتتارى مەن وليمپيادا ويىندارىنىڭ (وليمپياداعا ٸرٸكتەۋ تۋرنيرلەرٸنٸڭ) نەتيجەلەرٸ ەسەپكە الىنادى. سونداي-اق, بۇل رەيتينگ 2022 جىلعى وليمپيادا ويىندارىنىڭ جەرەبەسٸن انىقتاۋعا كٶمەكتەسەدٸ.
شايبالى حوككەيدەن ەرلەر اراسىنداعى رەيتينگتە قازاقستان كومانداسى ٷش ساتىعا جوعارىلاپ, 16-شى ورىنعا تۇراقتادى. ۇلتتىق قۇراما ەنشٸسٸندە 2420 ۇپاي بار. ٶكٸنٸشكە قاراي, بٸزدٸڭ كوماندا 2022 جىلعى وليمپيادا ويىندارىنا قاتىسۋ مٷمكٸندٸگٸنەن ايىرىلعان بولاتىن. ەرلەر اراسىنداعى رەيتينگتە كانادا كٶش باستاپ تۇر. ەكٸنشٸ ورىندا رەسەي, ٷشٸنشٸ ورىندا فينلياندييا قۇرامالارى ورنالاسقان. ال قازاقستان ەيەلدەر كومانداسى ەكٸ ساتىعا تٶمەندەپ, 21-شٸ ورىنعا سىرعىدى.
ايتا كەتەلٸك, كوروناۆيرۋس ٸندەتٸنە بايلانىستى 2020 جىلعى ەلەم چەمپيوناتى ٶتپەيتٸن بولدى. وسىعان وراي, رەيتينگتە ايتارلىقتاي ٶزگەرٸس جاسالعان جوق.
