Halyqaralyq shaibaly hokkei federatsiiasy 2020 jylǵy álemdik reitingti jariialady, dep habarlaidy "Ult aqparat" Olympic.kz-ke silteme jasap.
Jyl saiyn túziletin reitingte álem chempionttary men Olimpiada oiyndarynyń (Olimpiadaǵa irikteý týrnirleriniń) nátijeleri esepke alynady. Sondai-aq, bul reiting 2022 jylǵy Olimpiada oiyndarynyń jerebesin anyqtaýǵa kómektesedi.
Shaibaly hokkeiden erler arasyndaǵy reitingte Qazaqstan komandasy úsh satyǵa joǵarylap, 16-shy orynǵa turaqtady. Ulttyq qurama enshisinde 2420 upai bar. Ókinishke qarai, bizdiń komanda 2022 jylǵy Olimpiada oiyndaryna qatysý múmkindiginen aiyrylǵan bolatyn. Erler arasyndaǵy reitingte Kanada kósh bastap tur. Ekinshi orynda Resei, úshinshi orynda Finliandiia quramalary ornalasqan. Al Qazaqstan áielder komandasy eki satyǵa tómendep, 21-shi orynǵa syrǵydy.
Aita ketelik, koronavirýs indetine bailanysty 2020 jylǵy álem chempionaty ótpeitin boldy. Osyǵan orai, reitingte aitarlyqtai ózgeris jasalǵan joq.
