«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن ەلوردادا رەسەيدٸڭ «اۆانگارد» (ومبى) كومانداسىمەن ٶتكٸزدٸ, دەپ حابارلايدى قازاقپارات.
ەكٸ كوماندا بيىلعى تۋرنيردٸ سەتسٸز ٶتكٸزٸپ جٷر. قازٸر تۋرنير كەستەسٸندە قاتارلاس كەلەدٸ. «بارىس» 13 ويىننان كەيٸن 10 ۇپايمەن تۋرنير كەستەسٸندە 20-ورىندا تۇر. ال «اۆانگارد» 12 ۇپايمەن 17-ورىنعا جايعاسقان.
كەزدەسۋ تارتىستى ٶتتٸ دەۋگە نەگٸز بار. دەسە دە كوماندالار العاشقى ەكٸ كەزەڭدە بٸر-بٸرٸنٸڭ قاقپاسىنان ساڭىلاۋ تابا العان جوق.
ٷشٸنشٸ كەزەڭدە دە ويىن بارىسى سولاي ٶربٸپ جاتتى. ويىننىڭٸ بٸتۋٸنە بەس مينۋت قالعانشا تابلوداعى ەسەپ ٶزگەرٸسسٸز تۇردى. قازاقستاندىق حوككەيشٸ نيكيتا ميحايليس 54-مينۋتتا كٶزدەگەن نىسانادان مٷلت كەتكەن جوق.
كەزدەسۋدە «بارىس» قارسىلاسىنان 1:0 ەسەبٸمەن باسىم تٷستٸ.
ەسكە سالساق, بۇدان بۇرىن «بارىس» رەسەيدە «لوكوموتيۆكە» جول بەردٸ.
ايتا كەتەرلٸگٸ, بيىلعى كەزەڭدەگٸ 13 ويىننىڭ نەبەرٸ 4-دە جەڭٸسكە جەتكەن ەدٸ.
ەندٸ «بارىس» 8 قازاندا ەلوردادا رەسەيدٸڭ سكا (سانكت-پەتەربۋرگ) كومانداسىن قابىلدايدى.
