قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 23 جەلتوقساندا رەسەيدە «اۆانگارد» (ومبى) كومانداسىمەن كەزدەستٸ, دەپ حابارلايدى "ۇلت اقپارات".
ەلوردالىق كلۋب سوڭعى ويىنداردا جوعارى نەتيجەمەن كٶزگە تٷسٸپ كەلەدٸ. بيىل ولار سوڭعى سەگٸز كەزدەسۋدٸڭ التاۋىندا جەڭٸسكە جەتتٸ. بٷگٸندە جانكٷيەر كٶڭٸلٸنەن شىعاتىن ويىن كٶرسەتتٸ.
«بارىس» العاشقى شابۋىلىنىڭ بٸرٸندە قارسىلاستار قاقپاسىنان ساڭىلاۋ تاپتى. ويىننىڭ 1-مينۋتىندا ەلوردالىق رومان ستارچەنكو مەرگەندٸگٸمەن كٶزگە تٷستٸ. ال 7-مينۋتتا رەسەيلٸك كيريلل سەميونوۆ تارازى باسىن تەڭەستٸردٸ.
ەكٸنشٸ كەزەڭنٸڭ 39-مينۋتىندا «بارىس» قايتادان العا شىقتى. بۇل جولى ياكوب ليليا مٷلت كەتكەن جوق.
ٷشٸنشٸ كەزەڭنٸڭ 57-مينۋتىندا ەلوردالىق فيل ۆارونە ەسەپتٸ ٷستەمەلەي تٷستٸ. وسىلايشا «بارىس» قارسىلاسىنان 3:1 ەسەبٸمەن باسىم تٷستٸ. ايتا كەتەرلٸگٸ, قازاقستاندىق كلۋب سوڭعى توعىز كەزدەسۋدٸڭ سەگٸزٸندە جەڭٸسكە جەتٸپ وتىر.
ەندٸ «بارىس» ەلوردادا قاتارىنان ٷش ويىن ٶتكٸزەدٸ. الدىمەن 26 جەلتوقساندا رەسەيدٸڭ «امۋر» (حاباروۆسك), 28 جەلتوقساندا «سيبير» (نوۆوسٸبٸر), 30 جەلتوقساندا «مەتاللۋرگ» (ماگنيتوگورسك) كوماندالارىمەن كەزدەسەدٸ.
