اندرەي سكابەلكا «بارىستىڭ» باس باپكەرٸ قىزمەتٸنەن كەتتٸ, دەپ حابارلايدى "ۇلت اقپارات".
«بارىستىڭ» باسپاسٶز قىزمەتٸ مەلٸم ەتكەندەي, كلۋب پەن ا.سكابەلكا كەلٸسٸمشارتتى ۇزارتۋ جٶنٸندە كەلٸسە الماعان.
اندرەي سكابەلكامەن كەلٸسٸمشارت بيىلعى 30 سەۋٸردە بٸتەدٸ.
وسىلايشا «بارىس» حوككەي كلۋبى جاڭا باپكەر ٸزدەۋگە كٸرٸسەدٸ.
بەلارۋس مامانى ا.سكابەلكا مەن ونىڭ باپكەرلٸك شتابى «بارىستا» ەكٸ ماۋسىم بويى جۇمىس جاساپ, ايتا قالارلىقتاي تابىسقا قول جەتكٸزدٸ.
ەلوردالىق كلۋب قحل-دا ٶنەر كٶرسەتكەننەن بەرٸ ٷزدٸك نەتيجەلەرٸمەن كٶرٸنە بٸلدٸ. «بارىس» ەكٸ مەرتە گاگارين كۋبوگى پلەي-وفف كەزەڭٸنٸڭ ەكٸنشٸ اينالىمىنا ٶتتٸ.
ەسكە سالا كەتەيٸك, بيىل «بارىس» پلەي-وففتىڭ جارتىلاي فينالىنا شىققانىمەن, كوروناۆيرۋسقا بايلانىستى وعان قاتىسۋدان باس تارتقان بولاتىن.
