10 جەلتوقساندا پارا الدى دەگەن كٷدٸكپەن ۇستالعان اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا جاۋاپ الۋدان سوڭ ۋاقىتشا ۇستاۋ يزولياتورىنا قامالدى, دەپ حابارلادى جەرگٸلٸكتٸ "اق جايىق" باسىلىمى.
باسىلىم دەرەككٶزٸنٸڭ مەلٸمەتٸنشە, باقىتگٷل حامەنوۆا مەن وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ اتىراۋدا اقىن اباي قۇنانبايۇلىنىڭ ەسكەرتكٸشٸن ورناتۋ بويىنشا مەملەكەتتٸك ساتىپ الۋ كەلٸسٸمشارتىن جاساۋعا 4 ملن 500 مىڭ تەڭگە كٶلەمٸندەگٸ پارا العان. سەلدەن كەيٸن رىسقاليەۆ كٸنەسٸن مويىنداپ كەلدٸ, ال حامەنوۆانى جاۋاپ الۋدان كەيٸن ۋاقىتشا ۇستاۋ يزولياتورىنا جٸبەرگەن.
دەرەككە سٷيەنسەك, اباي ەسكەرتكٸشٸن ورناتۋعا قاتىستى بىلتىر ەكٸ رەت ۇسىنىس ايتىلعان. بٸرٸنشٸ ۇسىنىس وبلىستىق مەسليحات سەسسيياسىندا, كەيٸن ۇلى اقىننىڭ 175 جىلدىعىن تويلاۋ اياسىندا جاسالعان. اتىراۋ وبلىسىنىڭ ەكٸمٸ ماحامبەت دوسمۇحامبەتوۆ پەن دەپۋتاتتار يدەيانى قولداپ, سودان كەيٸن تەندەرگە دايىندىق باستالعان بولاتىن. الدىن الا مەلٸمەت بويىنشا, كەلٸسٸمشارت سوماسى - 150 ملن تەڭگە, مەدەنيەت باسقارماسى العاشقى ترانشتى ٶتكٸزٸپ ٷلگەرٸپتٸ.
"اج" مەلٸمەتٸنە سەيكەس, 12 جەلتوقساندا سىبايلاس جەمقورلىققا قارسى ٸس-قيمىل اگەنتتٸگٸنٸڭ قىزمەتكەرلەرٸ تەرگەۋ سوتىندا حامەنوۆانى ەكٸ اي قاماۋعا الۋ تۋرالى ٶتٸنٸش بەرمەك.
باقىتگٷل حامەنوۆا وبلىس ەكٸمٸنٸڭ ورىنباسارى لاۋازامىنا ٶتكەن جىلدىڭ 13 ناۋرىزىندا كەلگەن. وعان دەيٸن "نۇر وتان" پارتيياسى اتىنان پارلامەنت مەجٸلٸسٸنٸڭ VI شاقىرىلىمىنىڭ دەپۋتاتى بولدى.
ەستەرٸڭٸزگە سالا كەتەيٸك, كەشە اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا مەن وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ 4,5 ميلليون تەڭگە كٶلەمٸندە پارا الدى دەگەن كٷدٸكپەن ۇستالعان ەدٸ.
سونىمەن قاتار اتىراۋ وبلىسى ەكٸمٸنٸڭ ەكٸ ورىنباسارىنا قاتىستى سوت پروتسەسٸ جٷرۋدە: بٸرٸنشٸ ورىنباسارى نۇرلان تاۋباەۆ 182 ملن تەڭگە پارا الدى دەپ ايىپتالسا, قايرات نۇرلىباەۆ اۋىل شارۋاشىلىعى باسقارماسىنىڭ باسشىسى بولعان كەزٸندە 80 ميلليون تەڭگە كٶلەمٸندەگٸ اۋىل شارۋاشىلىعى سۋبسيديياسىن زاڭسىز بٶلدٸ دەپ ايىپتالۋدا.
