بٷگٸن حالىقتىق كواليتسيياسى قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتتٸگٸنە كانديدات ەتٸپ ۇسىنۋ ٷشٸن قر ورتالىق سايلاۋ كوميسسيياسىنا بارلىق قاجەتتٸ قۇجاتتاردى ۇسىندى.
«AMANAT» پارتيياسىنىڭ اتقارۋشى حاتشىسى اسحات ورالوۆ اتاپ ٶتكەندەي, كٷنٸ كەشە ساياسي پارتييالار مەن رەسپۋبليكالىق ۇيىمداردىڭ ٶكٸلدەرٸ قاسىم-جومارت توقاەۆتى قولداۋ جٶنٸندەگٸ حالىقتىق كواليتسييا قۇردى.
«بۇل ٷردٸس «AMANAT» پارتيياسىنىڭ جاڭا ساياسي تۇعىرناماسىنداعى يدەولوگيياعا ساي. سونىمەن قاتار, بۇل «تٷرلٸ كٶزقاراس – بٸرتۇتاس ۇلت» دەگەن قاعيدانىڭ ايقىن كٶرٸنٸسٸ. كواليتسييا بولىپ بٸرٸگٸپ پرەزيدەنتتٸ ۇسىنۋىمىز ساياسي مەدەنيەتٸمٸز بەن ساياسي جٷيەمٸزدٸڭ جوعارى دەڭگەيٸن كٶرسەتەدٸ. حالىقتىق كواليتسييانىڭ فورۋمىندا پرەزيدەنت بٸزدٸڭ ۇسىنىسىمىزدى قابىل الدى. سوندىقتان بٷگٸن كواليتسييا مٷشەلەرٸ بٸرلەسٸپ, قاسىم-جومارت كەمەلۇلىن كانديدات رەتٸندە تٸركەۋ قۇجاتتارىن ورتالىق سايلاۋ كوميسسيياسىنا تاپسىردىق», – دەدٸ اسحات ورالوۆ.
«قازاقستان مەسليحاتتارى دەپۋتاتتارىنىڭ بٸرلەستٸگٸ» رقب تٶراعاسى تٶلەۋبەك مۇقاشەۆتىڭ ايتۋىنشا, حالىقتىق كواليتسييا – بۇل قوعامدىق توپتاسۋدىڭ جاڭا دەڭگەيٸنٸڭ كٶرسەتكٸشٸ, ىنتىماقتاستىقتىڭ جارقىن ٷلگٸسٸ.
«رەفەرەندۋم بارىسىندا دا قوعامدىق شتاب توقاەۆتىڭ ساياسي رەفورمالارىنىڭ بارلىق جاقتاسىن بٸرٸكتٸردٸ. سول كەزدەگٸدەي, بٸز قازٸر بٸرتۇتاس كوماندا رەتٸندە ەرەكەت ەتەمٸز. بٸز قاسىم-جومارت كەمەلۇلىنىڭ كانديداتۋراسىن كٶرنەكتٸ ساياسي مەملەكەت قايراتكەرٸ رەتٸندە ۇسىندىق, بۇل جالپىحالىقتىق تاڭداۋ», - دەدٸ ول.
ٶز كەزەگٸندە «QAZAQSTAN TEAM» رەسپۋبليكالىق قوعامدىق جاستار بٸرلەستٸگٸنٸڭ تٶراعاسى ولجاس سٷلەيمەنوۆ ورتالىق سايلاۋ كوميسسيياسىنا قۇجاتتاردى تاپسىرۋ – بولاشاق سايلاۋ ناۋقانىن باستايتىن ماڭىزدى قادام ەكەنٸن اتاپ ٶتتٸ.
«مەن ٷشٸن بۇل ٶتە ماڭىزدى وقيعا. ٶيتكەنٸ كواليتسييا بٸرٸگٸپ ەرەكەت ەتەدٸ. ىنتىماقتاستىق ەرقاشان ٶزەكتٸ. بٸز بٸر-بٸرٸمٸزدٸڭ تەجٸريبەمٸزدٸ قابىلداپ, ورتاق ماقساتقا جەتە الامىز», – دەدٸ ول.
تٸركەۋگە قاجەتتٸ قۇجاتتار توپتاماسىن «AMANAT» پارتيياسى, قازاقستان حالىق پارتيياسى, «اق جول» قازاقستان دەموكراتييالىق پارتيياسى, «ارداگەرلەر ۇيىمى», «QAZAQSTAN TEAM», «قازاقستان مەسليحاتتارى دەپۋتاتتارىنىڭ بٸرلەستٸگٸ», «گەنەرالدار كەڭەسٸ», «قازاقستاندىق سپورتشىلار وداعى» ۇسىندى.
