حالىققا جۇمىس ٸستەپ, يپوتەكا تٶلەپ, ٷي الۋعا مٷمكٸندٸك بەرۋ كەرەك. بۇل تۋرالى ۇلتتىق قوعامدىق سەنٸم كەڭەسٸنٸڭ مٷشەسٸ ۋايس ەرسايىنۇلى ايتتى, دەپ حابارلايدى قازاقپارات.
«ەلەۋمەتتٸك تۇرمىسى تٶمەن حالىقتى الاڭداتاتىن مەسەلە – باسپانا. قازاقستاندا باسپانا كەزەگٸندە 500 مىڭنان استام ادام تۇر. بۇرىن ٷي كەزەگٸنە حالىق جەرگٸلٸكتٸ ەكٸمدٸكتەر ارقىلى تۇراتىن. 2019 جىلدان باستاپ حالىققا قىزمەت كٶرسەتۋ ورتالىقتارى ارقىلى كەزەككە تۇرا باستادى. ەندٸ ٷي كەزەگٸندە 10 جىلدان تۇرعان ازاماتتار ٶزدەرٸن رەسپۋبليكالىق بازادان تابا الماۋدا. ولاردىڭ ٸشٸندە مٷمكٸندٸگٸ شەكتەۋلٸ ازاماتتار دا بار. وسىنىڭ كەسٸرٸنەن كٶپتەگەن وتباسى «باقىتتى وتباسى» باعدارلاماسىمەن يپوتەكا الا المادى», - دەدٸ ول ۇلتتىق قوعامدىق سەنٸم كەڭەسٸنٸڭ 6-وتىرىسىندا.
ونىڭ اتاپ ٶتۋٸنشە, ٷي كەزەگٸندە تۇرعان ازاماتتارعا «وتباسى» بانكٸ 2 پايىزبەن «باقىتى وتباسى» جەنە 5 پايىزبەن «شاڭىراق» باعدارلاماسى ارقىلى يپوتەكا بەرەدٸ.
«بۇل تيٸمدٸ باعدارلاما. باستى شارتى - ٷي كەزەگٸندە تۇرۋىڭ مٸندەت. الايدا, «وتباسى» بانكٸ رەسپۋبليكالىق بازادا كەزەكتە تۇرعاندارعا عانا يپوتەكا بەرەدٸ. وسىلايشا, جەرگٸلٸكتٸ ەكٸمدٸكتەر ارقىلى كەزەكتە تۇرعاندار ارزان يپوتەكامەن ٷي الۋ مٷمكٸندٸگٸنەن ايىرىلدى. ول ازاماتتاردىڭ قولىندا 10, 15 جىل كەزەكتە تۇردى دەگەن انىقتاما بار. مٶر باسىلعان, باسشىلىق قولى قويىلعان. بٸراق, يندۋسترييا مينيسترلٸگٸ بارلىق ازاماتتى كەزەككە ەنگٸزٸپ ٷلگەرمەستەن «باقىتتى وتباسى» باعدارلاماسىن جارييالاپ جٸبەرگەن. يندۋسترييا مينيسترلٸگٸ ٷي كەزەگٸندە تۇرعانداردى رەتتەپ, جٷيەلەۋٸ تيٸس. سەبەبٸ 2019 جىلى ٷي العانداردىڭ ٶزٸن بازادان بيىل عانا شىعارىلعان. ياعني, 2 جىل بويى ينتەگراتسييا جاسالماعان», - دەدٸ كەڭەس مٷشەسٸ.
ۋايس ەرسايىنۇلىنىڭ اتاپ ٶتۋٸنشە, ٷي كەزەگٸنە حالىق ارەندالىق باسپانا الۋ ٷشٸن عانا ەمەس, پايىزى ارزان يپوتەكا الۋ ٷشٸن دە تۇرادى.
«حالىققا ٶزدەرٸ جۇمىس ٸستەپ, يپوتەكا تٶلەپ, ٷي الۋعا مٷمكٸندٸك بەرۋ كەرەك. سونداي-اق ٷي كەزەگٸنە جالعىزباستى بولىپ تۇراتىن ادامدارعا شارتتى قايتا قاراۋ قاجەت. ٷي كەزەگٸندە جالعىزباستى بولىپ تۇرعان انا تۇرمىسقا شىقسا, كەزەكتەن شىعارىلادى. ٷي كەزەگٸنەن ايىرىلماۋ ٷشٸن ولار ەكٸنشٸ رەت تۇرمىسقا شىقسا دا نەكەسٸن زاڭداستىرمايدى. وسىلايشا, جالعان نەكە قاپتاۋدا», - دەپ تولىقتىردى ول.
