دٷنيەجٷزٸلٸك بانكتٸڭ قازاقستانداعى تۇراقتى ٶكٸلٸ جان-فرانسۋا مارتو مەن يۋنيسەف ٶكٸلٸ ارتۋر ۆان ديزەن قازاقستاندا قاشىقتان وقىتۋ ٷشٸن تاڭدالعان تەتٸكتەر تۋرالى ٶز پٸكٸرلەرٸن بٸلدٸردٸ, دەپ حابارلايدى قازاقپارات.
قازٸرگٸ تاڭدا ەلدە 3,2 ملن استام وقۋشى قاشىقتان وقىتۋ فورماتىنا كٶشتٸ. نەگٸزٸنەن تەلەساباقتار مەن ارنايى مامانداندىرىلعان بٸلٸم بەرەتٸن ينتەرنەت-پلاتفورمالار قولدانىلۋدا. وقۋشىلارمەن كەرٸ بايلانىس «كٷندەلٸك», «Mektep.edu.kz جەنە «Bilimal.kz ەلەكتروندى جۋرنالدارى, سونداي-اق «Google Classroom», مەسسەندجەرلەر, ەلەكتروندىق پوشتا جەنە پوشتا قىزمەتٸ ارقىلى جاسالادى. بارلىق تەلەساباقتار ينتەرنەتتە قولجەتٸمدٸ. بۇل قاجەت بولعان جاعدايدا ۆيدەوساباقتاردى قايتا كٶرۋگە مٷمكٸندٸك بەرەدٸ. قوسىمشا رەتٸندە تەلەساباقتاردىڭ راديو نۇسقاسى دا ۇسىنىلعان.
دٷنيەجٷزٸلٸك بانك ٶكٸلٸ اتاپ ٶتكەندەي, بٷگٸنگٸ كٷنٸ بارلىق ەلدەر جاڭا جاعدايلارعا بەيٸمدەلۋگە تىرىسۋدا جەنە بٸلٸم بەرۋدە ينتەرنەتكە قوسىلۋ دەڭگەيٸنە بايلانىستى تٷرلٸ تەتٸكتەردٸ قاراستىرۋدا. دٷنيەجٷزٸلٸك بانك كٶپتەگەن ەلدەرگە ٷزدٸكسٸز بٸلٸم بەرۋ پروتسەسٸن قامتاماسىز ەتۋ ماقساتىندا قىسقا مەرزٸمدٸ جەنە ۇزاق مەرزٸمدٸ شارالار بويىنشا ۇسىنىستار بەردٸ.
«جالپى, قازاقستاننىڭ تاڭداعان تەسٸلدەرٸ, تەلەساباقتار مەن راديوساباقتاردى پايدالانۋدى قوسا العاندا, بٸزدٸڭ ۇسىنىستارىمىزبەن سەيكەس كەلەدٸ. ٶيتكەنٸ, ەڭ ماڭىزدىسى – قيىن جاعدايلاردا بارلىق وقۋشىلاردىڭ بٸلٸمگە قول جەتكٸزۋٸن قامتاماسىز ەتۋ. سول سەبەپتٸ, سٸزدەر بارلىعىن دۇرىس ٸستەپ جاتىرسىزدار. بارلىعى دا باسىنان باستاپ 100 پايىز جۇمىس ٸستەپ كەتەدٸ دەپ كٷتۋگە بولمايدى, سەبەبٸ بارلىعىنىڭ وسى جاعدايعا بەيٸمدەلۋٸ قاجەت», – دەپ اتاپ ٶتتٸ دب-نىڭ قازاقستانداعى تۇراقتى ٶكٸلٸ جان-فرانسۋا مارتو.
يۋنيسەف-تٸڭ قازاقستانداعى ٶكٸلدٸگٸ ٶكٸل ارتۋر ۆان ديزەننٸڭ اتىنان قازاقستاننىڭ بٸلٸم جەنە عىلىم مينيسترلٸگٸنە رەسمي حات جولداپ, وندا COVID-19 پاندەميياسىنا بايلانىستى تٶتەنشە جاعداي كەزەڭٸندەگٸ تابىستى ىنتىماقتاستىعى ٷشٸن العىس بٸلدٸردٸ.
«يۋنيسەف قر بٸلٸم جەنە عىلىم مينيسترلٸگٸنٸڭ كارانتين مەن قاشىقتان جۇمىس ٸستەۋ رەجيمٸنە قاراماستان, وقۋ پروتسەسٸن قامتاماسىز ەتۋ بويىنشا باسقا مەملەكەتتٸك ورگاندارمەن ەرٸپتەستٸكتە تانىتقان كٷش-جٸگەرٸن قۇپتايدى. سونداي-اق, مينيسترلٸك قالىپتاسقان احۋالدى نازارعا الا وتىرىپ, قابىلداناتىن شەشٸمدەرٸن جاعدايعا قاراي بەيٸمدەۋ ٷشٸن قاجەتتٸ قادامدار جاساۋدا, ەدٸستەمەلٸك جەنە تەحنيكالىق مەسەلەلەر, قولدا بار وقىتۋ پلاتفورمالارى مەن ارنالاردى جانداندىرۋ بويىنشا جۇمىستاردى جالعاستىرۋدا», - دەلٸنگەن رەسمي حاتتا.
اتالعان حالىقارالىق ۇيىمدار تٶتەنشە جاعداي كەزٸندە قر بٸلٸم جەنە عىلىم مينيسترلٸگٸنە قاشىقتان وقىتۋ مەسەلەلەرٸندە قولداۋ كٶرسەتۋدٸ جالعاستىرۋعا دايىن ەكەنٸن مەلٸمدەدٸ.
