قر پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان كوروناۆيرۋستىڭ «وميكرون» شتامىنىڭ ٶرشۋٸ كەزٸندە حالىقارالىق رەيستەردٸ شەكتەۋ مەسەلەسٸنە قاتىستى ايتتى, دەپ حابارلايدى قازاقپارات.
پروفەسسوردىڭ ايتۋىنشا, «وميكروننىڭ» ٶزٸ كوروناۆيرۋستىڭ ٶتە جۇقپالى نۇسقاسى بولىپ تابىلادى.
«حالىقارالىق رەيستەردٸ شەكتەۋمەن ٸندەتتٸڭ تارالۋى ازايمايدى. ادام قاي ەلگە, قالاي بارسا دا, ينفەكتسييانىڭ تارالۋى جوعارى قارقىنمەن تارايدى. سول سەبەپتٸ بۇل تۇرعىدا حالىقارالىق رەيستەردٸ شەكتەۋ ەرەكشە رٶل وينامايدى.
دەگەنمەن, روجدەستۆو مەرەكەسٸنە وراي دەمالىستار قارساڭىندا ەۋروپادا كٷنٸنە تٶرت مىڭعا جۋىق حالىقارالىق رەيس ۇشۋىن دوعاردى. سەبەبٸ ۇشقىشتار كوروناۆيرۋستىڭ «وميكرون» شتامىن بٸرٸنەن سوڭ بٸرٸ جۇقتىرا باستادى. سوندىقتان «وميكرونعا» بايلانىستى ەپيدەميياعا قارسى بارلىق شارالار ساقتالۋى كەرەك», - دەدٸ الماز شارمان اگەنتتٸك تٸلشٸسٸنە تەلەفون ارقىلى.
بۇدان بٶلەك, ا.شارمان ەكونوميكالىق بەلسەندٸلٸكتٸڭ بەسەڭدەۋٸندە حالىقارالىق بايلانىس, رەيستەر مەن ساۋداداعى شەكتەۋلەر ٷلكەن رٶل اتقارعانىن اتاپ ٶتتٸ.
«پاندەمييا ەلەمنٸڭ كٶپتەگەن ەلٸندە ەكونوميكالىق بەلسەندٸلٸكتٸڭ كٷرت تٶمەندەۋٸنە ەكەلدٸ. جالپى ٸشكٸ ٶنٸم ازايدى. لوگيستيكا مەن جۇمىس ورىندارىن قۇرۋدا كٶپتەگەن مەسەلەلەر تۋىندادى», - دەدٸ ول.
الماز شارمان «وميكرون» شتامىنىڭ ٶتە جۇقپالى ەكەنٸن ايتىپ وتىر.
«جاڭا «وميكرون» شتامى «دەلتامەن» سالىستىرعاندا مىڭ ەسە جۇقپالى. دەگەنمەن, ول ينفەكتسييا مەن العاشقى بەلگٸلەردٸڭ پايدا بولۋى اراسىنداعى قىسقا مەرزٸممەن سيپاتتالادى. وميكروننىڭ اۋىر اسقىنۋدى از مٶلشەردە تۋدىراتىنى دا ايتىلادى. ول نەگٸزٸنەن جوعارعى تىنىس جولدارىندا شوعىرلانعان. ٶكپەگە سيرەك تٷسەدٸ. دەگەنمەن, قارت ادامدار مەن سوزىلمالى اۋرۋلارى بار ادامدارعا, سونداي-اق جاس بالالارعا ٷلكەن قاۋٸپ تۋدىرادى. سوندىقتان بارلىق ساقتىق شارالارى قاجەت. سەبەبٸ ٸندەتتٸڭ جۇقپالىلىعىنان ناۋقاستار اۋرۋحاناعا ەلٸ كٶپ تٷسەتٸن بولادى. قازٸر كٶپتەگەن مەديتسينا قىزمەتكەرلەرٸ دە اۋرۋ جۇقتىرۋدا. سول ٷشٸن بەتپەردە كييۋ, ەلەۋمەتتٸك قاشىقتىقتى ساقتاۋ جەنە ۆاكتسيناتسييا رەجيمٸ ساقتالۋدا. وسى ورايدا بۋستەرلٸك دوزاسى ەگدە جاستاعى ادامدار مەن سوزىلمالى اۋرۋى بارلارعا اۋىر زاقىمدانۋلاردىڭ دەڭگەيٸن ايتارلىقتاي تٶمەندەتەدٸ دەگٸم كەلەدٸ.
مەن «وميكروندى» قاتاڭ شەكتەۋلەردٸ قاجەت ەتەتٸن سوڭعى ٸندەت جەنە بولاشاقتا پاندەمييامەن كٷرەسپەيتٸن بولامىز دەپ ٷمٸتتەنەمٸن», - دەپ تٷيٸندەدٸ پروفەسسور.
