حالىقارالىق وليمپيادا جەڭٸمپازدارىنا جوعارى وقۋ ورىندارىنا تٷسۋ ٷشٸن باسىم قۇقىق بەرٸلۋٸ كەرەك. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
سەنات قابىرعاسىندا «پەداگوگ مەرتبەسٸ تۋرالى» زاڭ جوباسىن تالقىلاۋ بارىسىندا دەپۋتات سەرگەي ەرشوۆ مينيستردەن «التىن بەلگٸ» يەلەرٸنە جوعارى وقۋ ورنىنا تٷسۋ كەزٸندە باسىمدىق بەرۋ قاجەت پە?» دەپ سۇراعان ەدٸ.
«بٸز مۇنىڭ قاجەتٸ جوق دەپ ەسەپتەيمٸز. قازٸر «التىن بەلگٸ» سانى تٸپتٸ گەومەترييالىق پروگورەسسپەن ارتىپ جاتىر. بٷگٸندە «التىن بەلگٸ» يەلەرٸ بۇرىنعىداي بەلگٸلەرٸن ۇبت ارقىلى راستامايدى نەمەسە كەڭەس زامانىنداعىداي وبلىستىق بٸلٸم باسقارماسىنىڭ كوميسسيياسى تەكسەرمەيدٸ. مەكتەپتٸڭ ٶزٸ بۇل بەلگٸنٸ بەرە سالادى. سوندىقتان بۇل بەلگٸنٸ بەرۋ جەنە قورىتىندى جۇمىستاردى تەكسەرۋ قۇزٸرەتٸن وبلىستىق باسقارما دەڭگەيٸنە بەرۋدٸ ۇسىنامىز», - دەدٸ مينيستر.
دەگەنمەن, ول حالىقارالىق وليمپيادا جەڭٸمپازدارى ٷشٸن باسىم قۇقىق بەرۋ مەسەلەسٸن قايتا كٶتەرۋ قاجەت دەپ سانايتىنىن ايتتى.
«سەبەبٸ قازٸرگٸ ۋاقىتتا حالىقارالىق وليمپيادا جەڭٸمپازدارى باسىم قۇقىقسىز قالدى. ولار كٶپ تە ەمەس, جىلىنا 20-30 ادام عانا. قازٸرگٸ ۋاقىتتا وسى حالىقارالىق وليمپيادا جەڭٸمپازدارىن باسقا ەلدەر الىپ كەتٸپ جاتىر. سوندىقتان حالىقارالىق وليمپيادا, عىلىمي كونكۋرس جەڭٸمپازدارىنا, حالىقارالىق سپورتتىق جارىستارعا قاتىسۋشىلارعا وسىنداي باسىم قۇقىق بەرۋ ٶتە ماڭىزدى», - دەدٸ ا.ايماعامبەتوۆ.
