وقۋ-اعارتۋ مينيسترٸ اسحات ايماعامبەتوۆ بيىلعى حالىقارالىق پەن وليمپيادالارىنىڭ ارالىق قورىتىندىسىن جارييالادى, دەپ حابارلايدى "ۇلت اقپارات".
"بٷگٸنگٸ كٷنگە دەيٸن وقۋشىلارىمىز 5 پەننەن 21 مەدال جەڭٸپ الدى. ۇلتتىق قۇراما قورجىنىندا 3 التىن, 13 كٷمٸس جەنە 5 قولا مەدال بار. ياعني 23 قاتىسۋشىنىڭ 21-ٸ جٷلدەلٸ ورىندارعا يە بولدى. بۇل جەردە ەڭ بەدەلدٸ حالىقارالىق وليمپيادالار تۋرالى ايتىپ وتىرمىز.
بيىل تۇڭعىش رەت پرەزيدەنتتٸڭ قولداۋىنىڭ ارقاسىندا وقۋشىلارىمىز 4,5 ملن تەڭگەگە دەيٸن قوماقتى اقشالاي سىياقى الىپ, ۇبت تاپسىرماي-اق, جوو-عا گرانتقا تٷسۋ مٷمكٸندٸگٸنە يە بولادى.
ماتەماتيكادان حالىقارالىق وليمپيادادا (IMO) قازاقستان قۇراماسى 3 كٷمٸس جەنە 3 قولا جٷلدەنٸ جەڭٸپ الدى. كوماندامىز 174 ۇپاي جيناپ, ەلٸمٸزدٸڭ وليمپياداعا قاتىسۋ تاريحىنداعى جاڭا رەكوردىن ورناتتى. كوماندالىق ەسەپتە ەلٸمٸز 17-ورىندا, ال بۇل - 12 جىلداعى ٷزدٸك كٶرسەتكٸش. فيزيكادان حالىقارالىق وليمپيادادا وقۋشىلارىمىز 1 التىن, 4 كٷمٸس مەدال يەلەندٸ. بۇل سوڭعى 8 جىلداعى ەڭ جاقسى كٶرسەتكٸش. بىلتىر كوماندانىڭ قورجىنىنا 5 كٷمٸس تٷسكەن بولاتىن. گەوگرافييادان حالىقارالىق وليمپيادادا وقۋشىلارىمىز ەكٸنشٸ جىل قاتارىنان التىن مەدال جەڭٸپ الدى. بيىل دا 1 قولا مەدالعا يە بولدىق. بيولوگييادان حالىقارالىق وليمپيادانىڭ قاتىسۋشىلارى 3 كٷمٸس جەنە 1 قولا جٷلدە جەڭٸپ الىپ, بىلتىرعى نەتيجەلەرٸن جاقسارتتى. بىلتىر 1 كٷمٸس جەنە 2 قولا مەدال, سونداي-اق بٸر قۇرمەت گراموتاسىن العان بولاتىن. ال زيياتكەرلٸك سايىسقا قاتىسقان جاس حيميكتەرٸمٸزدٸڭ جۇمىسىن ٶتە جوعارى باعالاۋعا بولادى. ولار 1 التىن جەنە 3 كٷمٸس جەڭٸپ الدى. ونىڭ ٷستٸنە بۇل 2017 جىلدان بەرگٸ العاشقى «التىن» بولدى" - دەپ جازدى مينيستر.
سالىستىرمالى تٷردە الساق, بىلتىر كوماندامىز 3 كٷمٸس جەنە 1 قولا مەدالمەن ماراپاتتالعان.
"بارلىق باعىتتا وڭ ٶزگەرٸس بار ەكەنٸن بايقاۋعا بولادى. بۇل بالالارىمىزدىڭ دايىندىق دەڭگەيٸن كٶرسەتەدٸ.
الداعى ۋاقىتتا ينفورماتيكا مەن لينگۆيستيكادان وليمپيادالار ٶتەدٸ. وقۋشىلارىمىز ەلٸمٸزدٸڭ نامىسىن ابىرويمەن قورعايتىنىنا سەنٸمٸم مول.
وقۋشىلارىمىزدى جەتكەن جەتٸستٸكپەن قۇتتىقتايمىن. قولداۋ كٶرسەتكەن اتا-انالارىنا جەنە كەسٸبي شەبەرلٸگٸ ٷشٸن ەرٸپتەستەرٸمە دە العىس ايتقىم كەلەدٸ" - دەپ تٷيٸندەدٸ ايماعامبەتوۆ.
