كەشە مەملەكەت باسشىسىنىڭ جارلىعىمەن سەنات دەپۋتاتى بولىپ تاعايىندالعان تانىمال تەلەجٷرگٸزۋشٸ دانا نۇرجٸگٸت جىلى لەبٸز بٸلدٸرگەنٸ ٷشٸن قىزاقستاندىقتارعا العىس ايتتى.
"قادٸرلٸ وقىرماندارىم, قىمباتتى وتانداستار! ماعان جولداعان قۇتتىقتاۋلارىڭىزدى وقىپ وتىرمىن. كٶپ راقمەت! پرەزيدەنت جارلىعىمەن ماعان جٷكتەلگەن مٸندەتتٸڭ مەرتەبەسٸ قانشالىقتى بيٸك بولسا, سالماعى اتان تٷيەگە جٷك بولارلىق سونشالىقتى اۋىر ەكەنٸن جٸتٸ تٷسٸنٸپ وتىرمىن حالىق اماناتىن كٶتەرٸپ, كٶپتٸڭ ٷمٸتٸن اقتاۋ ەندٸ بٸزدٸڭ بۋىنعا جٷكتەلٸپ وتىر", - دەپ جازدى ول instagram-داعى پاراقشاسىندا.
دانا نۇرجٸگٸت قال-قاۋقارىنشا ادال ەڭبەك ەتٸپ, ەل ٶمٸرٸنەن اجىراماي, كابينەت قىزمەتكەرٸ ەمەس, حالىق قىزمەتشٸسٸ بولۋعا ۇمتىلاتىنىن اتاپ ٶتتٸ. "ارىق سٶيلەپ, سەمٸز شىققىسى" كەلەتٸنٸن دە جاسىرمادى.
"ونى ايتىپ وتىرعان سەبەبٸم, "Dara jol" حابارى توقتامايدى", - دەپ مەلٸمدەدٸ سەناتور.
ونىڭ پٸكٸرٸنشە, حابارداعى كەزدەسۋلەر, ٷلگٸ تۇتار تۇلعالاردىڭ اقىلى, تەجٸريبەسٸ, كەڭەسٸ حالىق پەن زامان تىنىسىن, تٸرشٸلٸك تامىرىنىڭ سوعىسىن سەزٸنۋگە ايتارلىقتاي سەپتٸگٸن تيگٸزەدٸ.
"ٷلكەن ديٸرمەنگە, مايدانعا كەتٸپ بارا جاتىرمىن... اتىمدى ەرتتەپ, باتاڭىزدى بەرٸپ, اقىل قوسقان بارشالارىڭىزعا العىس ايتامىن! اللا ابىروي بەرسٸن دەيمٸن",- دەپ تٷيٸندەدٸ دانا نۇرجٸگٸت.
ەستەرٸڭٸزگە سالا كەتەيٸك, 12 تامىزدا قازاقستان پرەزيدەنتٸ قاسىم-جومارت توقاەۆ تانىمال تەلەجٷرگٸزۋشٸ دانا نۇرجٸگٸتتٸ سەناتور قىزمەتٸنە تاعايىندادى.
1972 جىلى 18 شٸلدەدە قىزىلوردا وبلىسىندا دٷنيەگە كەلدٸ. قۇرمانعازى اتىنداعى الماتى مەملەكەتتٸك كونسەرۆاتوريياسىن "وقىتۋشى, كونتسەرتمەيستەر, كامەرالىق انسامبلدٸڭ سوليسٸ" ماماندىعى بويىنشا تەمامداعان.
1994-1996 جىلدارى اباي اتىنداعى ۇلتتىق ۋنيۆەرسيتەتتە, ودان كٷلەش بەيسەيٸتوۆا اتىنداعى رەسپۋبليكالىق كوللەدجدە كونتسەرتمەيستەر بولىپ جۇمىس ٸستەدٸ. ال 1997 جىلى تەلەديدارعا كەلدٸ. سودان باستاپ جاڭالىقتار قىزمەتٸنٸڭ جٷرگٸزۋشٸسٸ, "سەلەم, قازاقستان!" باعدارلاماسىنىڭ جٷرگٸزۋشٸسٸ, پروديۋسەرٸ, رەداكتورى, كٶركەمدٸك جەتەكشٸ قىزمەتتەرٸن اتقاردى. "حابار" ارناسىندا بٸراز جىل ەڭبەك ەتتٸ. CaspioNet جوباسىنىڭ پروديۋسەرٸ, "بٸلٸم" ارناسىنىڭ رەداكتورى بولدى.
بٷگٸندە دانا نۇرجٸگٸت QAZAQSTAN ارناسىنداعى "دارا جول" باعدارلاماسىمەن كەڭٸنەن تانىمال.
