ٶتكەن جىلى قازاقستاندىقتاردىڭ جان باسىنا شاققانداعى ورتاشا تابىسى ارتىپ, 116 مىڭ تەڭگەدەن سەل استامدى قۇرادى. بۇل تۋرالى قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسى حابارلايدى, دەپ جازادى قازاقپارات.
«2020 جىلى حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى ايىنا ورتا ەسەپپەن 116 126 تەڭگەنٸ قۇرادى جەنە اتاۋلى مەندە 2019 جىلمەن سالىستىرعاندا 11,4% ٶستٸ.
وسى كەزەڭدەگٸ تۇتىنۋ تاۋارلارى مەن كٶرسەتٸلەتٸن قىزمەتتەرگە باعالاردىڭ 6,8% ٶسٸمٸ كەزٸندە حالىقتىڭ ناقتى اقشالاي تابىستارى ٶتكەن جىلمەن سالىستىرعاندا 4,3% جوعارىلادى», - دەلٸنگەن حابارلامادا.
ۇلتتىق ستاتيستيكا بيۋروسىنىڭ مەلٸمەتٸنە سەيكەس, 2020 جىلى حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارىنىڭ ەڭ جوعارى مٶلشەرٸ اتىراۋ وبلىسىندا بايقالدى. وندا وسى كٶرسەتكٸش ورتاشا رەسپۋبليكالىق دەڭگەيدەن 2 ەسەگە جۋىق جوعارى بولدى.
تابىسى ەڭ تٶمەن ٶڭٸرلەر رەتٸندە تٷركٸستان وبلىسى جەنە شىمكەنت قالاسى بەلگٸلەندٸ. بۇل ٶڭٸرلەردەگٸ حالىقتىڭ تابىس مٶلشەرٸ ورتاشا رەسپۋبليكالىق دەڭگەيدٸڭ 55-65% قۇرادى.
2020 جىلى ٶڭٸرلەر بويىنشا حالىقتىڭ جان باسىنا شاققانداعى تابىسىنىڭ ەڭ جوعارعى جەنە ەڭ تٶمەنگٸ شاماسى اراسىنداعى ايىرماشىلىق 3,4 ەسەنٸ قۇرادى (2019 جىلى – 4 ەسە).
