Tungi Habar باعدارلاماسىنىڭ جۇما كٷنگٸ قوناقتارى قونىس تويىن تويلاۋدا. بۇل جولى اۋتيزم دياگنوزى بار ٷش بالانى جالعىز تەربيەلەپ وتىرعان انا ٶز ٷيٸنٸڭ باقىتتى يەسٸ اتاندى, دەپ حابارلايدى قازاقپارات اتالعان تەلەارنانىڭ باسپاسٶز قىزمەتٸنە سٸلتەمە جاساپ.
بەلگٸلٸ بولعانداي, بالالاردىڭ ەكەسٸ 9 جىل بۇرىن قايتىس بولعان. وسى ۋاقىتقا دەيٸن گٷلنەر قالدىباەۆا بالالارىمەن بٸرگە جالدامالى پەتەرلەردە تۇرۋعا مەجبٷر بولدى. قايىرىمدىلىق قورىنا كٶمەك سۇراپ كەلگەن ەيەلگە «حابار» تەلەارناسىنىڭتٸكەلەي ەفيرٸندە الماتى قالاسىنداعى جەكە پەتەردٸڭ كٸلتٸ مەن جيھاز ساتىپ الۋعا ارنالعان سەرتيفيكات تابىستالدى.
ەستەرٸڭٸزگە سالا كەتەيٸك, بۇعان دەيٸن Tungi Habar باعدارلاماسىنىڭ تەلەكٶرەرمەندەرٸ كٶرۋ قابٸلەتٸ بۇزىلعان اناسىنا قولقانات بولىپ وتىرعان 10 جاسار بالانىڭ جٷرەك ەلجٸرەتەر وقيعاسىنىڭ كۋەگەرٸ بولدى. قاڭتار ايىندا تەلەارنانىڭ تٸكەلەي ەفيرٸندە «حابار» اگەنتتٸگٸ مەن «حارەكەت» قايىرىمدىلىق قورىنىڭ اتىنان بالاعا پەتەر بەرٸلدٸ.
بۇل باستاما «حابار» تەلەارناسىنداعى كەشكٸ شوۋدىڭ جۇما كٷنگٸ شىعارىلىمدارىندا يگٸ دەستٷرگە اينالادى دەپ جوسپارلانۋدا.
- ٸس-شارا «بەرەكەلٸ جۇما» دەپ اتالادى. جۇما - مۇسىلماندار ٷشٸن قاسيەتتٸ كٷن. بٸز اپتا سايىن Tungi Habar باعدارلاماسىنىڭ شىعارىلىمدارىندا وسىنداي توسىنسىيلار جاساۋدى جوسپارلاۋدامىز. «حارەكەت» قورىنىڭ ارقاسىندا مۇقتاج قازاقستاندىقتار عا «حابار» ارناسىنىڭ تٸكەلەي ەفيرٸندە كٶمەك كٶرسەتٸلەدٸ, -دەدٸ «حابار» اگەنتتٸگٸ باسقارما تٶراعاسىنىڭ مٸندەتٸن اتقارۋشى رينات كەرتاەۆ.
«حابار» تەلەارناسىنداعى جاڭا جوبا وسى جىلدىڭ قاڭتار ايىندا باستالعان بولاتىن. باعدارلاما كٷن سايىن ساعات 22:30-دا تٸكەلەي ەفيردە كٶرسەتٸلەدٸ. Tungi Habar شوۋىنىڭ جٷرگٸزۋشٸلەرٸ - تەاتردىڭ تانىمال اكتەرلەرٸ مادييار سەرٸكباەۆ پەن جانبولات نايزابەكوۆ.
