قازاقستاننىڭ فۋتبول فەدەراتسيياسى ۇلتتىق قۇراماسىنىڭ باس باپكەرٸ الەكساندر بوروديۋكپەن كەلٸسٸمشارتتى توقتاتتى, بٸراق بۇل جايلى رەسمي مەلٸمدەمە جاساۋعا اسىقپاي وتىر, دەپ حابارلايدى «سپورتينفورم» ساا تٸلشٸسٸ.
بوروديۋك بۇدان بٸرنەشە كٷن بۇرىن قىزمەتٸنەن بوساتىلعان, بٸراق فەدەراتسييا باسشىلىعى بۇل اقپاراتتى جارييالاۋعا اسىقپاي وتىر. ەلٸمٸز فۋتبولىنىڭ باس ورگانى وسى اقپاراتتى جۇرتشىلىققا قانداي فورمادا جەتكٸزۋ جاعىن ويلاستىرىپ جاتقان بولار. جۋىق ارادا «بوروديۋك وتباسى جاعدايىنا بايلانىستى قىزمەتٸنەن كەتتٸ» نەمەسە «نەتيجە كٶرسەتە الماۋىنا بايلانىستى بوساتىلدى» دەگەن اقپاراتتار تارالۋى مٷمكٸن. ەرينە, ەۋ باستا رەسەيلٸك ماماننىڭ الدىنا ەشقانداي تۋرنيرلٸك مٸندەتتەمەلەر قويىلماعانى, تەك ۇرپاقتار الماسۋىن جٷرگٸزٸپ, قۇراما كوماندانى كەلەسٸ ٸرٸكتەۋ كەزەڭٸنە دايىنداۋ تالاپ ەتٸلگەنٸ بەلگٸلٸ.
بوروديۋكتٸڭ قازاقستان قۇراماسىنداعى تاعدىرى جەلتوقسان ايىنىڭ سوڭىندا, ونى قۇراماعا شاقىرۋعا باستاماشىل بولعان فەدەراتسييانىڭ بۇرىنعى باس حاتشىسى قانىش ەۋبەكٸروۆ قىزمەتتەن كەتۋگە ٶتٸنٸش بەرگەن كەزدە-اق بەلگٸلٸ بولعان. ونىڭ ورنىنا كەلگەن ازامات ايتقوجين رەسەيلٸك ماماننىڭ ەڭبەك دەمالىسىنان كەلۋٸن كٷتەتٸنٸن ايتقان بولاتىن.
ايتا كەتەلٸك, ا. بوروديۋكتٸڭ كەلٸسٸمشارتى 2019 جىلدىڭ اياعىنا دەيٸنگٸ مەرزٸمدٸ كٶزدەيدٸ. ەگەر قفف ونى ٶز باستاماسىمەن بۇزاتىن بولسا, باپكەرگە ايتارلىقتاي مٶلشەردە ٶتەماقى تٶلەنەدٸ.
