كەزەكشٸ سىنىپقا ساباق بەرگەن مۇعالٸمنٸڭ قاشىقتان وقىتۋعا دا قۇقىعى بار. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات تٸلشٸسٸ.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا مينيسترگە كەزەكشٸ سىنىپقا ساباق بەرەتٸن مۇعالٸمدەردٸڭ قاشىقتان وقىتۋىنا تىيىم سالىنىپ جاتقاندىعى ايتىلعان بولاتىن.
«بۇعان جول بەرۋگە بولمايدى. قاشىقتان وقىتاتىن فورماتتا دا, كەزەكشٸ توپتاردا دا جۇمىس ٸستەۋگە مٷمكٸندٸگٸ بار پەداگوگتەردٸڭ ساباق بەرۋگە قۇقىعى بار», - دەدٸ ول.
ونىڭ اتاپ ٶتۋٸنشە, بۇعان دەيٸن باستاۋىش سىنىپ مۇعالٸمدەرٸندە بٸر ستاۆكاعا ساعات جەتپەي قالۋ پروبلەماسى بولعان. مەسەلەن, ٷلگٸلٸك وقۋ جوسپارىنا سەيكەس, بٸرٸنشٸ سىنىپتاردا اپتاسىنا 24 ساعات بەرٸلەدٸ. الايدا اعىلشىن تٸلٸ, دەنە شىنىقتىرۋ سىندى ساباقتاردى باسقا مۇعالٸمدەردٸڭ بەرۋٸنە بايلانىستى باستاۋىش سىنىپ ۇستازىنىڭ ورتاشا جٷكتەمەسٸ 15-16 ساعاتتى قۇراپ, 18 ساعاتقا, 1 ستاۆكاعا دا جەتپەگەن. ال قازٸر جاعداي ٶزگەرٸپ وتىر.
«قازٸر بٸز سىنىپتى بٶلەتٸن بولامىز. ايتالىق, سىنىپتا 30 وقۋشى بار. بٷگٸنگٸ جاعدايدا كەزەكشٸ سىنىپتا وقىتۋ بارىسىندا ولار اتالعان سىنىپتى 15 بالادان ەكٸ شاعىن توپقا بٶلۋگە مٸندەتتٸ. سوعان وراي پەداگوگكە جٷكتەمە دە ارتادى. دەگەنمەن, پەداگوگ قوسىمشا جۇمىسى ٷشٸن قوسىمشا اقى دا الادى. ياعني, ەگەر قازٸرگٸ ۋاقىتتا وندا 28 ساعات بولسا, پەداگوگ بارلىق 28 ساعات ٷشٸن جالاقى الادى», - دەدٸ اسحات ايماعامبەتوۆ.
