گەنناديي گولوۆكين 17 قىركٷيەكتە لاس-ۆەگاستا ٶتكٸزگەلٸ وتىرعان مەكسيكالىق ساۋل كانەلو الۆارەسكە قارسى ٷشٸنشٸ جەكپە-جەگٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
"كٷرەس جوسپارىم مەن ستراتەگييام بار. جەكپە-جەك ەكٸ بوكسشىدان تۇرادى. كانەلو ەڭ الدىمەن نە ۇسىناتىنىن كٶرەيٸك. مەن كەز كەلگەن جاعدايعا دايىنمىن. ول جاقىن قاشىقتا جۇدىرىقتاسقىسى كەلسە, سولاي بولادى, ول الىس قاشىقتى كٶزدەسە, الىستان بولادى. بۇل جەكپە-جەكتٸ ەكٸ سپورتشى جاسايتىنىنا سەنٸمدٸمٸن. جەكپە-جەكتە ەرتٷرلٸ بٶلٸكتە كٸم جاقسى كٶرٸنەتٸنٸن كٶرەيٸك", - دەدٸ گولوۆكين The Fight with Teddy Atlas پودكاسىندا.
سونداي-اق, GGG قازٸرگٸ جاتتىقتىرۋشىسى دجوناتان بەنكس پەن بۇرىنعى جاتتىقتىرۋشىسى ابەل سانچەستٸڭ جۇمىسىن سالىستىردى. 2019 جىلعى سەۋٸردە گولوۆكين توعىز جىلدىق ىنتىماقتاستىقتان كەيٸن سانچەستەن كەتٸپ, بەنكستٸ ٶزٸنٸڭ جاڭا تەلٸمگەرٸ رەتٸندە تاڭداعان.
"بۇل ەكٸ جەكپە-جەكتٸ ٷشٸنشٸ جەكپە-جەكپەن سالىستىرۋ دۇرىس بولمايدى, ٶيتكەنٸ ۋاقىت ەرتٷرلٸ. مەنٸڭ ەكٸ جاتتىقتىرۋشىمنىڭ قادٸر-قاسيەتٸن تٶمەندەتكٸم كەلمەيدٸ, ولار - مەن ٷشٸن ٶتە جاقسى ماماندار", - دەدٸ ول.
ەسكە سالايىق, گولوۆكين مەن كانەلونىڭ ٷشٸنشٸ جەكپە-جەگٸ 17 قىركٷيەكتە ٶتەدٸ. كەزدەسۋ لاس-ۆەگاستاعى (نەۆادا, اقش) T-Mobile Arena-دا ٶتەدٸ. بۇعان دەيٸن ولاردىڭ جەكپە-جەگٸنٸڭ بٸرٸنشٸسٸ داۋلى تەڭ نەتيجەمەن اياقتالسا, ەكٸنشٸسٸندە تٶرەشٸلەردٸڭ شەشٸمٸمەن مەكسيكالىق بوكسشى جەڭٸسكە جەتكەن ەدٸ.
