الماتىدا دٸني ەكسترەميزم مەن تەرروريزمنٸڭ الدىن الۋعا باعىتتالعان اقپاراتتىق تٷسٸندٸرۋ جۇمىستارى بەلسەندٸ جٷرگٸزٸلٸپ كەلەدٸ.
اتالمىش شارا قر دٸني ەكسترەميزم مەن تەرروريزمگە قارسى ٸس-قيمىل جٶنٸندەگٸ 2018 – 2022 جىلدارعا ارنالعان مەملەكەتتٸك باعدارلاما اياسىندا قوعامدىق دامۋ باسقارماسىنىڭ «مونيتورينگ جەنە تالداۋ ورتالىعىنىڭ» ۇيىمداستىرۋىمەن ٶتٸپ جاتىر, دەپ حابارلايدى قازاقپارات.
سونداي ماڭىزدى كەزدەسۋلەردٸڭ بٸرٸ 13 قىركٷيەكتە الماتىداعى №156 مەكتەپتە ٶتتٸ.
جيىنعا ساراپشى رەتٸندە قوعامدىق دامۋ باسقارماسى جانىنداعى اقپاراتتىق تٷسٸندٸرۋ توبىنىڭ مٷشەسٸ, ابىلاي حان اتىنداعى قازاق حالىقارالىق قاتىناستار جەنە ەلەم تٸلدەرٸ ۋنيۆەرسيتەتٸنٸڭ دوتسەنتٸ, فيلوسوفييا عىلىمدارىنىڭ كانديداتى ماقپال جەكەباەۆا قاتىستى.
250-گە جۋىق وقۋشى ەكسترەميزمنەن كەلەتٸن قاۋٸپ تۋرالى تانىمىن كەڭەيتتٸ.
«دٸني ەكسترەميزم مەن يسلام قۇندىلىقتارىن ساقتاۋ جولىندا ٷندەۋ تاستاعان ٶزدەرٸنٸڭ پٸكٸرلەستەرٸن دٸني پرينتسيپتەردٸ بۇزۋشىلار دەپ ايىپتايدى. ەكسترەميستەر مەملەكەتتٸڭ ۇلتتىق قاۋٸپسٸزدٸگٸنە نۇقسان كەلتٸرەدٸ, دٸنارالىق جاعدايدىڭ ۋشىعۋىنا سەبەپكەر بولادى», - دەدٸ دٸنتانۋشى.
جيىن بارىسىندا جاسٶسپٸرٸمدەرگە جات اعىمنان كەلەتٸن قاۋٸپ-قاتەرلەر تۋرالى ناقتىراق ايتىلدى.
«قازٸر قازاق قوعامىندا «سەلەفيزم» باعىتىنداعى ۇستانىمنىڭ جاقتاستارى كٶپ بولىپ تۇر. ولار ٶزگە پٸكٸرگە تٶزبەۋ, باسقالارعا اگرەسسييالىق كٶزقاراسپەن قاراۋ, الدىنا قويعان ماقساتتارىنا, قارۋمەن بولسا دا قول جەتكٸزۋ سەكٸلدٸ سيپاتتارمەن تانىلادى. سونىڭ نەتيجەسٸندە ول باسقالارعا قاتىستى تٷرلٸ قاتىگەز ەرەكەتتەرگە بارۋى مٷمكٸن. اتا-انا الدىنداعى پارىز, تۋىستارعا قىزمەت ەتۋ, قوعامنىڭ قامقورشىسى بولۋ سەكٸلدٸ ادامي جەنە يسلامي قۇندىلىقتاردان جىراق كەتەدٸ», - دەدٸ ول.
سونىمەن قاتار, يسلام ەمەس باسقا دٸندەردٸڭ ٸشٸندەگٸ جات اعىمدار تۋرالى ماعلۇماتتار بەرٸلدٸ.
كەيبٸر جاڭا دٸن اعىمدارىنىڭ پسيحوتروپتى زاتتار مەن پسيحوترەنينگتەردٸ قولداناتىنى بەلگٸلٸ بولدى. مىسالى «بەلوە براتستۆو» اعىمىنىڭ ەسەرٸنەن بٸرنەشە ادام ٶزٸن كيەۆ قالاسىنىڭ ورتالىعىنىدا ٶرتەپ جٸبەرمەك بولدى. بۇل ەرەكەتكە تەك قۇقىق قورعاۋ ورگاندارىنىڭ ارالاسۋىمەن توسقاۋىل قويىلدى.
جاستاردىڭ ەلەۋمەتتٸك جەلٸگە ەۋەستٸگٸ قاتاڭ باقىلاۋدى قاجەت ەتەتٸن جايت دەيدٸ مامان.
«قازٸر جاستار ەلەۋمەتتٸك جەلٸدە چاتتى جيٸ قولدانادى. ونى قولدانعان كەزدە كەيبٸر جاستاردىڭ اككانۋتتارىنا ەرتٷرلٸ اقىلعا سىيمايتىن ەرٸ قاۋٸپتٸ ماعلۇماتتار كەپ تٷسەدٸ. جات اعىم ٶكٸلدەرٸ جاستاردىڭ اككاۋنتىنا ەرتٷرلٸ شەشٸلمەيتٸن, تىعىرىققا تٸرەلۋٸنە ەكەلەتٸن مەسەلەلەر مەن جازبالاردى جٸبەرٸپ سانالارىن ۋلاپ وتىرادى. وسىنداي جاعدايعا تٷسكەن جاسٶسپٸرٸمدەر ٶزدەرٸمەن ٶزدەرٸ بولىپ, قوعاممەن قاتىناسىن ٷزٸپ, مازاسىزدانىپ, ەرٸ ٶمٸردەگٸ ورنى مەن رٶلٸن ۇمىتادى دا, كٶپتەگەن تەرٸس تٷسٸنٸكتەردٸ ساناسىنا ورناتىپ الادى. وسىنداي كٷيدە جٷرگەندە تىعىرىقتان شىعاتىن سوڭعى امال – و دٷنيەگە اتتانۋعا بەل بۋادى», - دەدٸ ول.
ساراپشىنىڭ ايتۋىنشا, دٸني راديكاليزم مەن ەكسترەميزمدٸ ناسيحاتتاۋعا قارسى ٸس-قيمىل ينتەرنەت رەسۋرستاردى تالداۋ ارقىلى جٷزەگە اسىرىلادى.
مەسەلەن, تەك 2017 جىلى قر دٸن ٸستەرٸ جەنە ازاماتتىق قوعام مينيسترلٸگٸ (سول كەزدەگٸ اتاۋى) 10 174 ينتەرنەت رەسۋرستىڭ مازمۇنىنا ساراپتاما جٷرگٸزگەن.
«سونىڭ ٸشٸندە 3555 سايتتىڭ زاڭبۇزۋشىلىق باعىتتاعى قىزمەتٸ انىقتالدى. بۇل سايتتار بويىنشا تەرٸس ساراپتامالىق قورىتىندىلار قر اقپارات جەنە كوممۋنيكاتسييالار مينيسترلٸگٸندە تيٸستٸ پروتسەسسۋالدىق شەشٸم قابىلداۋ ٷشٸن جٸبەرٸلەدٸ», - دەدٸ ماقپال جەكەباەۆا.
جيىن سوڭىندا وقۋشىلارعا تەرٸس اعىمنىڭ ىقپالى تۋرالى ارنايى ۆيدەوفيلم كٶرسەتٸلدٸ.
وقۋشىلار ۆيدەوفيلم بويىنشا بٸرقاتار ساۋال قويىپ, «سەلەفيزم» باعىتى بويىنشا بٸرقاتار الاڭداتقان ساۋالدارىنا جاۋاپ الدى.
