ٶڭٸردە بٸرقاتار سالا جۇمىسشىلارىنىڭ تالابى ورىندالىپ, جالاقىسى ٶستٸ. بۇل تۋرالى وبلىس ەكٸمٸنٸڭ بٸرٸنشٸ ورىنباسارى رۋسلان حامباروۆ ٶڭٸرلٸك كوممۋنيكاتسييالار قىزمەتٸندە ٶتكەن تٸكەلەي ەفير كەزٸندە ايتتى, دەپ حابارلايدى قازاقپارات.
اقتٶبە وبلىسىندا ٸرٸ كەن ورىندارىنىڭ جۇمىسشىلارى ٶز تالابىن قويدى. قازٸرگٸ كەزدە بٸرقاتار ٶندٸرٸس ورىندارىندا جۇمىسشىلار جالاقاسىن كٶتەرۋ مەسەلەسٸ قاراستىرىلىپ جاتىر.
«ٶندٸرٸس سالاسى جۇمىسشىلارىنىڭ باستى تالاپتارىنىڭ بٸرٸ جالاقىنى كٶتەرۋ بولدى. بۇل رەتتە وبلىس ەكٸمدٸگٸ تۇراقتى شارالاردى قابىلداپ جاتىر. جالپى بيىل 1 قاڭتاردان باستاپ ٶندٸرٸس سالاسىنداعى 24 مىڭ ادامعا جالاقى ورتاشا ەسەپپەن 25% ٶسٸرٸلدٸ. «اقتٶبە مىس كومپانيياسى», «كوپپەر تەكنولودجي», «كازگەورۋد» كەسٸپورىندارى (2 000 ادام) 20%-دان 50%-عا, «سنپس-اقتٶبەمۇنايگاز» اق (6 100 ادام) 25 %-عا دەيٸن كٶتەردٸ. «كازحروم» تۇك» اق (اقتٶبە فەرروقورىتپا زاۋىتى جەنە دٶڭ كەن بايىتۋ كومبيناتىنداعى 12 000 ادام) 10%-دان 35%-عا دەيٸن كٶتەردٸ. قالعان كەسٸپورىندار بويىنشا باسشىلارىمەن كەلٸسسٶزدەر جٷرگٸزٸلۋدە. سونىمەن قاتار, ٶڭٸردٸ دامىتۋ ماقساتىندا, اقتٶبە وبلىسىنىڭ 2022-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارى ەزٸرلەنٸپ جاتىر. اتالعان جوسپارعا جەرگٸلٸكتٸ حالىق ٷشٸن ماڭىزى زور جوبالار ەنگٸزٸلەدٸ», - دەدٸ وبلىس ەكٸمٸنٸڭ بٸرٸنشٸ ورىنباسارى رۋسلان حامباروۆ.
