قر بٸلٸم جەنە عىلىم مينيسترلٸگٸندەگٸ جينالىس باراسىندا جەرگٸلٸكتٸ اتقارۋشى ورگانداردىڭ رەسپۋبليكالىق بيۋدجەت قاراجاتى ەسەبٸنەن كومپيۋتەرلٸك تەحنيكانى ساتىپ الۋى جەنە تەحنيكانىڭ جەتكٸزٸلۋٸ بويىنشا مەسەلەلەر قارالدى, دەپ حابارلايدى قازاقپارات.
«ەربٸر كومپيۋتەرلٸك تەحنيكانى ساتىپ الۋ بويىنشا تٸكەلەي جاۋاپ بەرەسٸزدەر», – دەدٸ بٸلٸم جەنە عىلىم ۆيتسە-مينيسترٸ رٷستەم بيعاري جەرگٸلٸكتٸ ەكٸمدٸكتەردەگٸ بٸلٸم باسقارمالارى باسشىلارىنا قاراتا ايتقان سٶزٸندە.
رٷستەم بيعاري مەملەكەت باسشىسى قويعان مٸندەت ورىندالىپ, بٸرٸنشٸ قىركٷيەككە دەيٸن وقۋشىلارعا قاشىقتان وقۋ ٷشٸن قاجەت 500 مىڭعا جۋىق كومپيۋتەر جەتكٸزٸلگەنٸن اتاپ ٶتتٸ. ەكٸمدٸكتەر مەكتەپتەرگە كومپيۋتەرلٸك تەحنيكانى ساتىپ الۋ بويىنشا جۇمىستى ەلٸ دە جالعاستىرىپ جاتىر. الايدا, بٸرقاتار ٶڭٸردە تەحنيكانى جەتكٸزۋ مەرزٸمدەرٸ, ليتسەنزييالىق قامتاماسىز ەتۋ, كەپٸلدٸك بەرۋ جەنە سەرۆيستٸك قىزمەت كٶرسەتۋگە بايلانىستى پروبلەمالار تۋىندادى.
«بٸز بۇل مەسەلەلەردٸ اپپاراتتىق جينالىستا بٸرنەشە رەت قاراستىردىق. بۇل – مەملەكەت قاراجاتى. ەربٸر كومپيۋتەرلٸك تەحنيكانى ساتىپ الۋ تٸكەلەي سٸزدەردٸڭ مويىندارىڭىزدا. اشىقتىقتى تولىق قامتاماسىز ەتۋ قاجەت. ەربٸر ەكٸمدٸك الدىمەن كومپيۋتەرلٸك تەحنيكانى تەكسەرٸپ العان سوڭ عانا ونى قابىلداپ, وقۋشىلارعا جەتكٸزۋلەرٸ قاجەت. بعم ساتىپ الۋ پروتسەسٸنە قاتىسپايدى. ٷكٸمەت ەكٸمدٸكتەرگە قاجەت قاراجاتتى جەدەل بەرٸپ, جاعداي جاسادى», – دەدٸ ۆيتسە-مينيستر.
«ييا, بۇرىن-سوڭدى تەحنيكانى وسىنداي كٶلەمدە ساتىپ الۋ بولعان ەمەس. ەرينە, پاندەمييا مەن لوگيستيكا مەسەلەلەرٸنە بايلانىستى كەدەرگٸلەر بولۋى مٷمكٸن. جەتكٸزۋشٸلەردٸڭ مۇنداي سىلتاۋلارىنا قاراماي, ولاردان تيٸستٸ جۇمىستى تالاپ ەتۋٸمٸز كەرەك. قولدا بار بارلىق مەحانيزمدٸ پايدالانۋ كەرەك ەدٸ. كەپٸلدٸك قىزمەت كٶرسەتۋ, ساپا بولۋى كەرەك», – دەدٸ ول.
