رەسەي بيلٸگٸ كەرچ بۇعازىندا ەكٸ كوممەرتسييالىق كەمە ٶرتەنٸپ, 14 تەڭٸزشٸ قازا تاپقانىن مەلٸمدەدٸ. رەسەي فەدەرالدىق تەڭٸز جەنە ٶزەن ترانسپورتى اگەنتتٸگٸنٸڭ باسپاسٶز حاتشىسى الەكسەي كراۆچەنكونىڭ حابارلاۋىنشا, ٶرتتەن 12 ادام قۇتقارىلعان. بەس ادام ٸز-تٷزسٸز جوعالدى دەپ سانالىپ وتىر.
ٶرت بٸر كەمەدەن ەكٸنشٸسٸنە جانارماي قۇيىپ جاتقاندا شىققان. رەسەي اقپارات قۇرالدارى بٸر كەمەدەگٸ ٶرتتٸڭ ەكٸنشٸ كەمەنٸ دە شارپىعانىن حابارلادى. كەمە ەكيپاجى ٶرتتەن قاشىپ, بورتتان تٶمەن تٷسٸگە مەجبٷر بولعان. رەسەي ترانسپورت مينيسترلٸگٸ ەكٸ كەمەدە بارلىعى 31 تەڭٸزشٸ بولعانىن, ولاردىڭ تٷركييا مەن ٷندٸستان ازاماتتارى ەكەنٸن ايتادى.
رەسەي مەن ۋكراينانىڭ قارىم-قاتىناسى قارا تەڭٸز بەن ازوۆ تەڭٸزٸن قوساتىن كەرچ بۇعازىنا بايلانىستى شيەلەنٸسٸپ كەتكەن. بىلتىر قاراشادا رەسەي شەكاراشىلارى بۇعازعا جاقىن اۋماقتا ۋكراينا ەسكەري-تەڭٸز كٷشتەرٸنٸڭ ٷش كەمەسٸن باسىپ العان. مەسكەۋ ۋكراين كەمەلەرٸ رەسەي اننەكسييالاپ العان قىرىم جاعالاۋىنا جاقىن تەڭٸزگە زاڭسىز ەنٸپ كەتتٸ دەپ سانايدى. رەسەي بيلٸگٸ ٷش كەمەنٸ 24 تەڭٸزشٸسٸمەن بٸرگە ۇستادى.
