فوتو: دينا تاڭسەرٸنٸڭ Instagram پاراقشاسى
وقيعا 26 سەۋٸر كٷنٸ كەشكٸ ساعات 8-دەر شاماسىندا تٷركٸستان وبلىسى كەنتاۋ قالاسىندا بولعان. وقۋشى قىزدى قان-جوسا ەتكەن ەر كٸسٸنٸ كٶرشٸلەر كٶرٸپ قالعان. بۇل تۋرالى "نە مولچي" قورى حابارلادى, - دەپ جازادى Massaget.kz پورتالى otyrar.kz-كە سٸلتەمە جاساپ.
11 جاستاعى وقۋشى دٷكەنگە مايونەز الۋ ٷشٸن شىققان. ٷيدٸڭ كٸرە-بەرٸسٸندە ەلگٸ ەركەك ونىڭ جاسىن سۇراپ, ەدەمٸ ەكەنٸن ايتىپ, قۇشاقتاپ العان.
"قىز ايعايلاپ كٶمەك سۇرايمىن دەگەنشە, ەر ادام ونىڭ تاماق تۇسىنان قاتتى قىسىپ, قىلقىندىرا باستاعان, ۇرىپ-سوققان. كەيٸن قىزدى اۋلاعا الىپ شىعىپ, ۇرىپ-سوعۋدى جالعاستىرعان. تٸپتٸ باسىنان, بەتٸنەن تاسپەن ۇرعان. ٷيدٸڭ ارتىنا دەيٸن سٷيرەپ اپارىپ, ۇرىپ-سوعا بەرگەن. قىزعا شابۋىلداعان ادام ونى زورلاماق بولعان", - دەپ جازدى قوعام بەلسەندٸسٸ دينا تاڭسەرٸ.
وقيعانى قىزدىڭ كٶرشٸسٸ كٶرٸپ قالعان سوڭ ەر كٸسٸ قاشا جٶنەلٸپتٸ.
بۇل بويىنشا پوليتسيياعا ارىز تٷسكەن. تاڭسەرٸنٸڭ مەلٸمەتٸنشە, تەرتٸپ ساقشىلارى ٸستٸ "بۇزاقىلىق" بابىمەن تٸركەپ, كٷدٸكتٸنٸ بوساتىپ جٸبەرگەن.
تٷركٸستان وبلىسىنىڭ دەنساۋلىق ساقتاۋ باسقارماسىنداعىلار وقۋشىنىڭ سوققىعا جىعىلعانىن راستادى. ول جەدەل جەردەم قىزمەتٸمەن اۋرۋحاناعا جەتكٸزٸلگەن.
"26 سەۋٸر ساعات 22:00-دە باس مي جاراقاتىن العان 2012 جىلى تۋعان قىز كەنتاۋ قالالىق ورتالىق اۋرۋحاناسىنا جەتكٸزٸلدٸ. بارلىق مەديتسينالىق تەكسەرۋدەن ٶتكەن سوڭ ناۋقاس تراۆماتولوگييا بٶلٸمٸنە جاتقىزىلدى. قازٸرگٸ تاڭدا سول بٶلٸمدە ەم قابىلداۋدا. جاعدايى ورتاشا اۋىرلىقتا", - دەپ حابارلادى دەنساۋلىق ساقتاۋ باسقارماسى.
ال وبلىستىق پوليتسييا دەپارتامەنتٸندەگٸلەر بۇل وقيعا بويىنشا ەزٸرشە تٷسٸنٸك بەرمەگەن.
