كەمەروۆوداعى «زيمنيايا ۆيشنيا» سو-دا ٶرت عيماراتتىڭ شاتىرىندا ەلەكتر سىمدارىنىڭ قىسقا تۇيىقتالۋىنان باستالعان. زەرتتەۋ جۇمىستارى رەسەي تجم سانكت-پەتەربۋرگ ۋنيۆەرسيتەتٸنٸڭ ٶرتتٸ زەرتتەۋ ورتالىعىندا جٷرگٸزٸلدٸ. ساراپتامانىڭ الدىن الا نەتيجەلەرٸن kommersant.ru سايتى جارييالادى, دەپ حابارلايدى Baq.kz اقپارات اگەنتتٸگٸ.
«ساراپشىلاردىڭ الدىن الا قورىتىندىسى بويىنشا تٶرتٸنشٸ قاباتتا بالالاردىڭ ويىن الاڭىنىڭ ٷستٸندە ەلەكتر سىمدارىنىڭ قىسقا تۇيىقتالۋى ورىن العان. ساۋدا ٷيٸنٸڭ شاتىرى قاردان تازالانباعان, ول ەرٸگەن, سودان سوڭ سۋ سىمدارعا تيە باستاعان. العاش بولىپ بالالاردىڭ قۇرعاق باسسەينٸنٸڭ ٷستٸندە ٸلۋلٸ تۇرعان اسپاشام جانعان. ول ٷستٸنەن تامىپ تۇرعان پلاستيكتٸڭ كەسٸرەنەن ٶرتەنگەن», - دەلٸنگەن جارييالىمدا.
ورتالىق ساراپشىلارىنىڭ ايتۋىنشا, ٶرت سونشالىقتى قاتتى بولماۋى كەرەك ەدٸ, الايدا قوسۋلى تۇرعان اۋا الماستىرعىش ٶرتتٸ ٶرشٸتٸپ جٸبەرگەن. وسىلايشا عيماراتتىڭ ٷستٸڭگٸ قاباتىن جىلدام كٶك تٷتٸن باسادى. دەل وسى كەزدە كينوزالداردىڭ بٸرٸندە سەانس اياقتالادى. ٶكٸنٸشكە وراي عيماراتتان شىعىپ, امان قالعاندار ساناۋلى بولدى. كينوزالدان شىعىپ ٷلگەرگەندەردٸڭ بٸرٸ قوسالقى ەسٸككە بارادى, الايدا ول جابىق بولىپ شىعادى. شىعا الماعاندار زالدا قايتىس بولادى.
سونىمەن قاتار, ساۋدا ٷيٸندە ەلەكتر سىمدارىنىڭ قىسقا تۇيىقتالۋىنان ساقتايتىن اۆتوماتتى سٶندٸرگٸشتەر ورناتىلعان, الايدا ولار قوسىلماي قالعان.
ەستەرٸڭٸزگە سالا كەتەيٸك, كەمەروۆوداعى «زيمنيايا ۆيشنيا» ساۋدا ورتالىعىندا 25 ناۋرىزدا ٶرت بولدى. عيماراتتان 64 ادام شىعا الماي اجال قۇشتى. ونىڭ ٸشٸندە 41 بالا بولدى. قىلمىستىق ٸس بٸرنەشە باپتار بويىنشا قارالۋدا, جەتٸ ادام قاماۋعا الىنعان.
قازاقستان پرەزيدەنتٸ ورىن العان قايعىلى وقيعاعا كٶڭٸل ايتتى. سونىمەن قاتار, ەلٸمٸزدە قۇربان بولعان جانداردىڭ قۇرمەتٸنە ەسكە الۋ شارالارى ٶتكٸزٸلدٸ جەنە جەرگٸلٸكتٸ ساۋدا ويىن ساۋىق ورتالىقتارىن جاپپاي تەكسەرۋ باستالدى.
