كەمەروۆودا "زيمنيايا ۆيشنيا" ساۋدا ورتالىعىندا شىققان ٶرتتەن زارداپ شەككەن 32 جاستاعى ميحايل ترۋسوۆ ٶرت كەزٸندە سىرتىنان جابىق تۇرعان كينوزالدا نە بولعانىن ايتىپ بەردٸ.
قازٸرگٸ ۋاقىتتا ول كەمەروۆو وبلىستىق كلينيكالىق اۋرۋحاناسىندا جاتىر. تراگەدييا بولعان كٷنٸ ەر ادام ەكٸ قىزىمەن كينوعا مۋلتفيلم كٶرۋگە بارعان. ەيەلٸ ٷيدە قالىپتى. ەر ادام امان قالعانىمەن, ەكٸ قىزى ٶرتتەن قازا بولدى.
"كٶرەرمەندەر زالدا وتىرعاندا ٶرت باستالدى. ٸشٸندە 30-40 ادام بولدى", — دەدٸ ميحايل ريا نوۆوستي اقپارات اگەنتتٸگٸنە بەرگەن سۇحباتىندا.
تٷتٸننٸڭ يٸسٸن سەزگەن ادامدار ەسٸكتٸ اشپاق بولادى. بٸراق ول سىرتىنان جابىق تۇرعان. ٶرتتٸڭ شىققانىن زالدىڭ ٸشٸندەگٸ ادامدارعا ەشكٸم حابارلاماپتى.
"زالداعى بٷكٸل ادامدار كٶمەك كٷتٸپ وتىردى. 15 مينۋت كٷتتٸك. سودان كەيٸن ٶزٸمٸز شىعۋىمىز كەرەك دەپ شەشتٸك", — دەپ ەسٸنە الدى سول كٷنگٸ تراگەدييانى تۇرعىن.
زالداعى ادامدار قوسالقى ەسٸكتٸڭ اۋزىنداعى قۇلىپتى جۇلىپ العان. بٸراق سىرتتا ٶرت لاۋلاپ جانىپ, قارا تٷتٸن جايلاعان ەكەن. ميحايل كٶمەك شاقىرۋ ٷشٸن زالدان شىققانىمەن, بٸردەن ەسٸنەن تانىپ قۇلايدى.
"سول جەردە ەسٸمنەن تانىپ جاتتىم, قۇدايعا شٷكٸر, مەنٸ بٸرەۋلەر تاۋىپ الدى. شامى جانىپ تۇرعان تەلەفون مەنٸڭ باسىما قۇلاپ, مەنٸ كٶرٸپ قالعان سيياقتى. جەدەل جەردەم ٸشٸندە ٶلٸپ كەتەمٸن دەپ ويلادىم. تەك اۋرۋحانادا مەنٸڭ ٶكپەمدٸ تازالاعاننان كەيٸن دەم الا باستادىم", — دەيدٸ ميحايل.
ونىڭ توپشىلاۋىنشا, زالدان باسقا ەشكٸم شىعا المادى. اۋرۋحانانىڭ باس دەرٸگەرٸ اندرەي يۆانوۆ ەر ادامنىڭ جاعدايى جاقسارعانىن ايتتى. سونداي-اق وعان پسيحولوگييالىق كٶمەك كٶرسەتٸلۋدە.
بارلىعى كەمەروۆو اۋرۋحاناسىندا قازٸر 11 ادام جاتىر. ونىڭ ٸشٸندە تٶرتٸنشٸ قاباتتىڭ تەرەزەسٸنەن سەكٸرٸپ كەتكەن جاسٶسپٸرٸم بار. ساۋدا ورتالىعىنداعى ٶرتتەن بالانىڭ اتا-اناسى مەن قارىنداسى قازا تاپتى.
