ماڭعىستاۋ وبلىسىنىڭ ەكٸمٸ نۇرلان نوعاەۆ ٶڭٸردەگٸ اۋىز سۋ تاپشىلىعى مەسەلەسٸن شەشۋ ٷشٸن قابىلداپ جاتقان شارالارىنا توقتالدى, دەپ حابارلايدى قازاقپارات.
«وبلىستىڭ دامۋى مەن حالىق سانىنىڭ قارقىندى ٶسۋٸنە وراي ٶڭٸردە سۋعا دەگەن سۇرانىس ارتىپ كەلەدٸ. بٷگٸنگٸ كٷنٸ وبلىس 154 مىڭ تەكشە مەتر سۋ تۇتىنادى. جاز مەزگٸلٸندە مامىر ايىنان قىركٷيەەك دەيٸن 51 مىڭ تەكشە مەتر سۋ جەتٸسپەيدٸ. ال, 2025 جىلعا قاراي تۇتىنۋ 250-260 مىڭ تەكشە مەترگە جەتەدٸ دەگەن بولجام بار», - دەدٸ ن. نوعاەۆ ورتالىق كوممۋنيكاتسييالار قىزمەتٸندە ٶتكەن بريفينگٸدە.
ەكٸمنٸڭ ايتۋىنشا, سۋ تاپشىلىعىن جويۋ جٶنٸندە وبلىستا 9 جوبا ٸسكە اسىپ جاتىر.
«ونىڭ ەكەۋٸ كەلەسٸ جىلدىڭ بٸرٸنشٸ جارتىجىلدىعىندا باستالادى. بٸرٸنشٸسٸ – اقتاۋ قالاسىندا «كاسپيي» سۋ تۇشىتۋ زاۋىتىنىڭ قۋاتىن 20 مىڭنان 40 مىڭ تەكشە مەترگە دەيٸن جەتكٸزۋ. ەكٸنشٸسٸ – قاراجانباس كەن ورنىندا تەۋلٸگٸنە 17 مىڭ تەكشە مەتر سۋ تۇشىتاتىن زاۋىت بيىل ٸسكە قوسىلادى. سوندا 51 مىڭ تەكشە مەتردٸڭ 31 مىڭى قامتاماسىز ەتٸلەدٸ. سايتتا كٶرسەتٸلگەندەي, 9 جوبا جٷيەلٸ تٷردە جٷزەگە اسىرىلۋدا. مەسەلەن, «قازمۇنايگاز» كومپانيياسى كەندٸرلٸ اۋىلىندا تەۋلٸگٸنە 50 مىڭ تەكشە مەتر سۋ تۇشىتۋ زاۋىتىن سالىپ جاتىر», - دەدٸ ن. نوعاەۆ.
سپيكەر مەملەكەت باسشىسىنىڭ ٶڭٸردەگٸ اۋىز سۋ تاپشىلىعىن شەشۋ ٷشٸن ناقتى تاپسىرمالاردى جٷكتەگەنٸن ەسكە سالدى.
«بٸز بەلسەندٸ جۇمىستى باستادىق, ينۆەستورلارمەن كەلٸسسٶزدەر جٷرگٸزۋدەمٸز, باسقا ەلدەردٸڭ تەجٸريبەسٸن زەردەلەۋدەمٸز. قازٸر ماڭعىستاۋ وبلىسىندا اۋىز سۋ تاپشىلىعى مەسەلەسٸن شەشۋ بٸزدٸڭ باستى مٸندەتٸمٸز بولىپ وتىر. اقتاۋ قالاسى, جاڭاٶزەن جەنە فورت-شەۆچەنكو قالالارىندا اۋىز سۋمەن قامتاماسىز ەتۋ 100 پايىزعا جاساقتالعان. قازٸرگٸ ۋاقىتتا اۋىلدىق ەلدٸمەكەندەردٸ قامتۋ ٶتكەن جىلى 92 پايىز بولسا, بيىلعى جىلدىڭ قورىتىندىسى بويىنشا 96,2 پايىز بولادى.
وبلىستا بارلىعى 59 اۋىلدىق ەلدٸمەكەن بار, سونىڭ 47-سٸ اۋىز سۋمەن قامتىلعان. 12 اۋىلدى پرەزيدەنت 2022 جىلعا دەيٸن ورتالىقتاندىرىلعان سۋمەن قامتاماسىز ەتۋدٸ تاپسىردى. بيىل ورتالىقتاندىرىلعان سۋمەن 2 اۋىل قامتىلادى: بەكٸ جەنە باسقۇدىق. نەتيجەسٸندە ەلدٸ مەكەندەردٸ ورتالىقتاندىرىلعان اۋىز سۋمەن قامتاماسىز ەتۋ 96%-عا جەتەدٸ. قالعان 10 اۋىلدى اۋىز سۋمەن قامتۋدى 2022 جىلدىڭ سوڭىنا دەيٸن اياقتاۋ جوسپارلانۋدا», - دەدٸ ن. نوعاەۆ.
