2019 جىلدان باستاپ ينفورماتيكا پەنٸ 1-سىنىپتان وقىتىلادى. بۇل تۋرالى بٷگٸن قر پارلامەنتٸ سەناتىنداعى ٷكٸمەت ساعاتىندا بٸلٸم جەنە عىلىم ۆيتسە-مينيسترٸ ەلميرا سۋحانبەرديەۆا ايتتى, دەپ حابارلايدى "ۇلت اقپارات".
«2017-2019 جىلدارى بارلىق مەكتەپتٸ كەڭ جولاقتى ينتەرنەتكە تەگٸن قوسۋعا قارجى قاراستىرىلعان. بۇل رەتتە كەيبٸر ٶڭٸرلەردە مەكتەپتەردٸڭ كابەلدٸك ينتەرنەتكە قوسىلماۋىنا بايلانىستى 2017 جىلى 2756 مەكتەپ, 2018 جىلى 460 مەكتەپ سپۋتنيك بايلانىسى ارقىلى ينتەرنەتپەن قامتاماسىز ەتٸلدٸ. بٸلٸم بەرۋدٸ تسيفرلاندىرۋ اياسىندا مەكتەپتەردٸڭ 95 پايىزى ينتەرنەتكە قوسىلاتىن بولادى», - دەدٸ ول.
ونىڭ سٶزٸنە قاراعاندا, وقۋشىلار سارايلارى مەن 3 مىڭ مەكتەپتە روبوتوتەحنيكا بويىنشا ەلەكتيۆتٸ كۋرستار ەنگٸزٸلدٸ. روبوتوتەحنيكا كابينەتتەرٸن جابدىقتاۋ بويىنشا شارالار قابىلدانىپ جاتىر.
«بيىل ينفورماتيكا پەنٸ 3-سىنىپتان باستالدى. «تسيفرلىق قازاقستان» باعدارلاماسى اياسىندا ينفورماتيكا ساباعى كەلەسٸ جىلدان باستاپ 1-سىنىپتان وقىتىلادى. ولاردىڭ باعدارلاماسى دايىندالىپ جاتىر. سونىمەن قاتار بارلىق ٶڭٸردە 21 ٸت-ليتسەي اشىلدى», - دەدٸ ەلميرا سۋحانبەرديەۆا.
ەسكە سالايىق, استانادا ٶتكەن «Digital Bridge» حالىقارالىق يننوۆاتسييالىق فورۋمىندا قر پرەمەر-مينيسترٸ باقىتجان ساعىنتاەۆ ينفورماتيكا پەنٸ 1-سىنىپتان باستاپ وقىتىلۋى مٷمكٸندٸگٸن ايتقان بولاتىن.
