«KEGOC» كومپانيياسىنىڭ ۇتتىق ديسپەتچەرلٸك ورتالىعىنىڭ باس ديسپەتچەرٸ بەكجان مۇقاتوۆ بٸرنەشە ٶڭٸردە ەلەكتر ەنەرگيياسىنىڭ جەلٸدەن اجىراۋ سەبەپتەرٸ تۋرالى ايتتى, دەپ حابارلايدى قازاقپارات.
«قازاقستان رەسپۋبليكاسىنىڭ بٸرىڭعاي ەلەكتر ەنەرگەتيكالىق جٷيەسٸ رەسەي فەدەراتسيياسىنىڭ بٸرىڭعاي ەنەرگييا جٷيەسٸمەن جەنە ورتالىق ازييانىڭ بٸرٸككەن ەنەرگييا جٷيەلەرٸمەن قاناتتاسىپ جۇمىس ٸستەيدٸ. ەلٸمٸزدە ەلەكتر ەنەرگيياسىن تۇتىنۋدىڭ ەڭ كٶپ مٶلشەرٸ قازٸر شامامەن 15 مىڭ مۆت بولىپ وتىر. ەلەكتر ستانتسييالارىندا جوسپارعا سەيكەس جٶندەۋ جۇمىستارى جٷرگٸزٸلۋدە. 8 قاراشادا «مويناق» گەس-ٸندەگٸ ەكٸ بلوك ٸسكە قوسىلدى. كەشە عانا رەسپۋبليكا تۇتىنۋشىلارىنىڭ قاجەتتٸلٸگٸن بارىنشا قاناعاتتاندىرۋ ٷشٸن «جامبىل» گرەس-ٸندە قۋاتى 200 مۆت بولاتىن ەنەرگەتيكالىق بلوك تا ٸسكە قوسىلدى. جىل باسىنان بەرٸ رەسپۋبليكا بويىنشا ەلەكتر تۇتىنۋ كٶلەمٸ ٶتكەن جىلمەن سالىستىرعاندا 7,2% ٶستٸ. جالپى, «KEGOC» اق جەلٸلەردەن ەنەرگييانى اجىراتقان جوق. تۇتىنۋشىلار ەلەكتر ەنەرگيياسىمەن تولىق كٶلەمدە قامتاماسىز ەتٸلەدٸ. قازٸر جاعداي قالىپتى», - دەدٸ بەكجان مۇقاتوۆ بريفينگٸدە.
باس ديسپەتچەر جۋرناليستەردٸڭ سۇراقتارىنا جاۋاپ بەرە وتىرىپ, قازان-قاراشا ايلارىندا تٸركەلگەن جوسپاردان تىس اعىندار ەنەرگييا كٶزدەرٸنەن قۋاتتى جەتكٸلٸكسٸز مٶلشەردە ساتىپ الۋ سالدارىنان تۋىنداعانىن تٷسٸندٸردٸ.
«ەلەكتر ەنەرگيياسىنىڭ كەلٸسٸمشارتتان تىس قابىلدانۋىن ازايتۋ ٷشٸن ايماقتىق سالالىق كومپانييالارعا تيٸستٸ بۇيرىقتار بەرٸلدٸ. ونىڭ ٸشٸندە, بٸرنەشە وبلىستىڭ, اتاپ ايتقاندا, قازاقستاننىڭ وڭتٷستٸگٸندەگٸ تۇتىنۋشىلاردىڭ اجىراتىلۋىنا الىپ كەلۋٸ مٷمكٸن ٸرٸ جٷيەلٸ اپاتتاردىڭ الدىن الۋ ٷشٸن ناقتى شەشٸمدەر قابىلداندى», - دەدٸ KEGOC ٶكٸلٸ.
سونىمەن قاتار, ول تۇتىنۋشىلار ەنەرگييانى ٸس جٷزٸندە تۇتىناتىن كٶلەمدە ساتىپ الۋى تيٸس ەكەنٸن اتاپ ٶتتٸ.
«بٸزدە ەلەكتر ەنەرگيياسىنىڭ ٶندٸرٸس كٶلەمٸن ارتتىرۋعا قاجەت رەزەرۆتەر جامبىل گرەس-ٸندە بار. تۇتىنۋشىلار قاجەتتٸ كٶلەمدٸ الدىن الا ساتىپ السا, جوسپاردان تىس اجىراتۋعا تاپ كەلمەيدٸ. «قازاقستان ەلەكتر ەنەرگيياسى مەن قۋات نارىعىنىڭ وپەراتورى» اق بازاسىندا ساۋدا الاڭىن ۇيىمداستىردىق. قازاقستاننىڭ ەلەكتر ستانتسييالارى سول جەردە رەزەرۆتەگٸ قوسىمشا قۋاتتاردى ساتادى», - دەدٸ بەكجان مۇقاتوۆ.
