Kcell باسپاسٶز قىزمەتٸنٸڭ باسشىسى ولجاس بيبانوۆ تەلەفونداردىڭ ٶشۋٸ – 9 اي بويى ابونەنتتەرگە ەسكەرتٸلگەن جاعداي ەكەنٸن جەتكٸزدٸ, دەپ حابارلايدى قازاقپارات.
«تٷندە رەتتەۋشٸ IMEI-كود دەرەكقورلارىندا سىناق جۇمىستارىن جٷرگٸزدٸ. بۇرىس تٸركەلگەن نٶمٸرلەردٸڭ بارلىعى وسىنداي قيىندىققا دۋشار بولىپ وتىر. ياعني جسن, تەلەفون نٶمٸرٸنە نەمەسە IMEI-كودى سەيكەس كەلمەيتٸن نٶمٸرلەر ٶشتٸ. بۇل نەگٸزٸنەن جۋىردا عانا جاڭا SIM-كارتالار سالىنعان تەلەفوندارعا قاتىستى», - دەدٸ ولجاس بيبانوۆ قازاقپارات تٸلشٸسٸنە.
ول نٶمٸردٸ قايتا تٸركەۋ ٷشٸن ۇيالى بايلانىس وپەراتورلارىنىڭ بٶلٸمشەسٸنە بارۋدىڭ قاجەتٸ جوق ەكەنٸن ايتادى.
«جسن نٶمٸرٸڭٸزدٸ 6006 نٶمٸرٸنە SMS ارقىلى جٸبەرۋدٸڭ ٶزٸ جەتكٸلٸكتٸ. بۇل, ەرينە, Kcell ابونەنتتەرٸنە قاتىستى», - دەدٸ ولجاس بيبانوۆ.
ونىڭ ايتۋىنشا, ۇيالى تەلەفون بايلانىسىنىڭ جوعالۋى مەسەلەسٸ بٸرنەشە ساعاتتىڭ ٸشٸندە رەتكە كەلتٸرٸلەدٸ.
ەسكە سالا كەتەيٸك, 2019 جىلدىڭ 1 قاڭتارىندا قازاقستاندا ابونەنتتٸك قۇرىلعىلاردى تٸركەۋ پروتسەسٸ اياقتالعان بولاتىن. بۇل موبيلدٸ تەلەفونداردىڭ ۇرلانۋىنا, الاياقتىققا قارسى كٷرەس ماقساتىندا ٸستەلٸپ وتىر.
