قبتۋ ستۋدەنتتەرٸ ونلاين وقۋعا اۋىستىرىلدى

فوتو: Tengrinews.kz / اليحان ساريەۆ

الماتىداعى قازاقستان-بريتان تەحنيكالىق ۋنيۆەرسيتەتٸ (قبتۋ) ستۋدەنتتەرٸ عيماراتتا بولعان ٶرتكە بايلانىستى ونلاين وقۋعا اۋىستىرىلدى, - دەپ حابارلايدى Tengrinews.kz تٸلشٸسٸ.

"وقيعاعا بايلانىستى وقۋ پروتسەسٸ 20 قاڭتارعا دەيٸن ۋاقىتشا ونلاين فورماتقا اۋىستىرىلدى", – دەپ حابارلادى قازاقستان-بريتان تەحنيكالىق ۋنيۆەرسيتەتٸنٸڭ باسپاسٶز قىزمەتٸ.

قبتۋ ٶكٸلدەرٸ قازٸرگٸ ۋاقىتتا وقيعا سەبەپتەرٸن انىقتاۋ ٷشٸن قۇزىرلى ورگاندارمەن بٸرلەسٸپ تەرگەۋ جٷرگٸزٸلٸپ جاتقانىن اتاپ ٶتتٸ.

"قازاقستان-بريتان تەحنيكالىق ۋنيۆەرسيتەتٸ ستۋدەنتتەر مەن قىزمەتكەرلەردٸڭ قاۋٸپسٸزدٸگٸن قامتاماسىز ەتۋ ٷشٸن بارلىق قاجەتتٸ شارانى قابىلداپ جاتىر. عيماراتتىڭ ٶرتكە قارسى جٷيەلەرٸ ۋاقىتىندا ٸسكە قوسىلىپ, وتتىڭ تارالۋىن بولدىرماۋعا جەنە شىعىندى ازايتۋعا مٷمكٸندٸك بەردٸ. قازٸرگٸ ۋاقىتتا ٶرتتٸڭ سەبەپتەرٸ انىقتالىپ جاتىر", – دەپ قوستى ۋنيۆەرسيتەت ٶكٸلدەرٸ.

قبتۋ عيماراتىنداعى ٶرت

11 قاڭتار كەشكٸسٸن الماتىدا تٶتەنشە جاعدايلار قىزمەتٸ قبتۋ عيماراتىنداعى ٶرتكە بايلانىستى استانا الاڭىن (ەسكٸ الاڭ) جاۋىپ تاستادى. تٶتەنشە جاعدايلار مينيسترلٸگٸنٸڭ الدىن الا مەلٸمەتٸنشە, "تٶلە بي كٶشەسٸندەگٸ عيماراتتا تٶرتٸنشٸ قاباتتاعى بٶلمەلەردٸڭ بٸرٸندە تٶبە ٶرتەنگەن".

كەيٸن الماتى تجد باستىعىنىڭ ورىنباسارى چايزادا باگدات قبتۋ عيماراتىنداعى ٶرت ٷشٸنشٸ دەڭگەيلٸ دەپ باعالانعانىن ايتتى.

"شاتىر جانىپ جاتىر. جاسىرىن جانۋ وشاقتارى بار. ٷش اۆتوساتى ورنالاستىرىلدى, ٶرت گيدرانتى قوسىلدى. ەزٸرگە ٶرت وقشاۋلانعان جوق", – دەدٸ الماتى تجد باستىعىنىڭ ورىنباسارى.

وقيعا ورنىندا جەدەل شتاب قۇرىلدى. ٶرتتٸ سٶندٸرۋگە الماتى تجد-نىڭ 78 ٶرت سٶندٸرۋشٸسٸ مەن 28 تەحنيكا بٸرلٸگٸ جۇمىلدىرىلدى.