قما قىزىلوردا وبلىسى بويىنشا دەپارتامەنتٸنٸڭ ٶندٸرٸسٸندە «كازترانسگاز ايماق» اق-نىڭ لاۋازىمدى تۇلعالارىنا قاتىستى جوعارى تاريفتٸ قولدانۋ ارقىلى نەگٸزسٸز پايدا تابۋ دەرەگٸمەن سوتالدى تەرگەۋ جٷرگٸزٸلٸپ جاتىر, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"2020-2021 جىلدارداعى زاڭسىز قىزمەتتەن تٷسكەن قاراجات 2,3 ملرد تەڭگە ەكەندٸگٸ انىقتالدى. «قازترانسگاز ايماق» اق-نىڭ فيليالىمەن گاز تاسىمالداۋ قىزمەتٸنە مونوپولييالىق جوعارى تاريفتٸ بەلگٸلەپ, تٶلەم الىپ وتىرعان.
تەرگەۋ بارىسىندا تابيعي مونوپولييالاردى رەتتەۋ كوميتەتٸنٸڭ ٶڭٸرلٸك دەپارتامەنتٸنە بەلگٸلەنگەن تاريفتەرگە ٶزگەرٸستەر ەنگٸزۋ تۋرالى ۇسىنىم جاسالىپ, نەتيجەسٸندە تابيعي گاز باعاسىنا تاريف تٶمەندەتٸلدٸ" - دەلٸنگەن حابارلامادا.
نەتيجەسٸندە «قازترانسگاز ايماق» اق-نىڭ قىزىلوردا فيليالىمەن گاز تاسىمالداۋعا كٶرسەتٸلەتٸن قىزمەت ٷشٸن شەكتٸ تاريف جەنە مونوپوليستٸك باعالاردى قولدانۋ كەزەڭٸ ٷشٸن ٶتەمدٸك تاريف (ەربٸر 1000م3 كٶلەمگە 3 320,45 تەڭگە) بەلگٸلەنگەن.
ايتا كەتەيٸك, قىزىلوردا وبلىسىنىڭ تۇرعىندارى 2022 جىلدىڭ 1 تامىزىنان باستاپ گاز ٷشٸن تٶمەندەتٸلگەن تاريفكە كٶشتٸ.
