16 قازان كٷنٸ استانا قالاسىندا «تسيفرلىق قازاقستان» مەملەكەتتٸك باعدارلاماسى اياسىندا «قازپوشتا» اق-نىڭ ۇيىمداستىرۋىمەن ەلوردا تۇرعىندارىنا ارنالعان «E-commerce Meet UP» ٶتكٸزٸلدٸ. شارانى ٶتكٸزۋدەگٸ باستى كٶزدەلگەن ماقسات ەلٸمٸزدەگٸ ەلەكتروندى ساۋدانى دامىتىپ, ماڭىزىن جوعارىلاتۋ. وسى سالادا جۇمىس جاساپ جٷرگەن نەمەسە ٸسكە جاڭا كٸرٸسٸپ وتىرعان جەكە كەسٸپكەرلەرگە ونلاين ساۋدانىڭ مەنٸ مەن ماڭىزى جايىندا ايتىلدى.
«قازپوشتا» اق ەلەكتروندى ساۋدا دەپارتامەنتٸنٸڭ ديرەكتورى مۇستافين سۇلتاننىڭ ايتۋىنشا, نەگٸزگٸ مٸندەت ەلەكتروندى ساۋدامەن اينالىساتىن سەرٸكتەستەردٸ ٸسكە شاقىرۋ, وسى ارقىلى ەلەكتروندى ساۋدا نارىعىن العا شىعارۋ. بۇل ورتالىقتا ەلەكتروندى ساۋدامەن اينالىسقىسى كەلەتٸن كەسٸپكەرگە بارلىق جاعداي جاسالعان.
«بٸز بٷگٸن e-commerce ورتالىعىندامىز. بۇل جالپى ايتقاندا ينتەرنەت بيزنەسپەن اينالىساتىن كەسٸپكەرلەرگە قىزمەت كٶرسەتۋ بٶلٸمشەسٸ. قازپوشتا ەردايىم بۇل جٷيەنٸ لوگيستيكا رەتٸندە ۇسىنىپ وتىردى. ەندٸ بٸز ناقتى بيزنەستٸ دامىتۋعا بەل بۋدىق. ياعني ٶزٸمٸز ەمەس, كەرٸسٸنشە وسى سالادا جۇمىس جاساۋعا قۇلشىنىس بٸلدٸرەتٸن كەسٸپكەرلەردٸ تارتۋ ارقىلى. دەلٸرەك ايتسام, ٶزگەلەردٸ تارتۋ ارقىلى قازاقستانداعى ەلەكتروندى ساۋدانىڭ ٶركەندەۋٸنە ٷلەس قوسۋ. ول ٷشٸن ەلەكتروندى ساۋدا قىزىقتىراتىن سەرٸكتەستەردٸ شاقىرىپ, وسى ورتالىقتا ولارعا ينتەرنەت-دٷكەندەر, ماركەتينگ پەن ساتۋ بٶلٸمٸمەن تانىستىراتىن جيىندار ۇيىمداستىرىپ وتىرامىز», – دەدٸ مۇستافين سۇلتان.
سونىمەن قاتار شارادا اتالعان ورتالىقتىڭ بٸلٸكتٸ ماماندارى كەسٸپكەرلەردٸ ٶز قىزمەتتەرٸمەن تانىستىرىپ, تەرەڭدەتٸلگەن كەڭەس الۋعا شاقىردى. ولاردىڭ ٸشٸندە ينتەرنەتتە جارنامالاۋ, ماركەتينگ, تاۋاردى جەتكٸزۋ بويىنشا فۋلفيلمەنت, CRM جٷيەسٸ بويىنشا ماماندار قاتىستى.
«E-commerce ورتالىعىنىڭ جۇمىسى كەسٸپكەرلەرگە باعىتتالعان. بٸز سٸزدەرگە كەلەسٸ قىزمەتتەردٸ ۇسىنامىز: ينتەرنەت ماركەتينگتٸ باسقارۋ, اۋتسورسينگ بۋحگالتەرٸ, CRM جٷيەسٸ, ساتۋ بٶلٸمٸ, ونلاين ساتۋ بويىنشا ٶز سايتىن قۇرۋ. سٸزگە ىڭعايلى بولۋ ٷشٸن كٶرشٸ زالدا ماماندار وتىرادى جەنە ولار سٸزگە كەڭەس بەرۋگە دايىن», – دەپ اتاپ ٶتتٸ استانا قالاسى بويىنشا E-commerce جوباسىنىڭ جەتەكشٸسٸ دٷيسەنباەۆ ەركەبۇلان.
Meet UP-تا ەلەكتروندى ساۋداداعى كەسٸپكەرلەردٸ قىزىقتىراتىن ترەندتەر جايىندا دا ايتىلدى.
سپيكەرلەر ينتەرنەت ماركەتينگكە سالىستىرمالى تالداۋ جاساپ, نەگٸزگٸ ۇعىمدارىمەن تانىستىردى. سونداي-اق landing page بويىنشا مەلٸمەتتەر ايتىلدى. ودان ەرٸ ينتەرنەتتە تاۋارلاردى ساتۋ قىزمەتٸ بويىنشا, تيٸمدٸ online ساتۋ قۇرالدارىمەن تانىستىرىپ, تارگەتتٸك جارنامالارىنىڭ قىر-سىرىن اشىپ, بولاشاق سەرٸكتەستەرٸنە پايدالى اقپارات پەن كەڭەستەرٸن ايتتى.
سونداي-اق, سەمينار بارىسىندا e-commerce ورتالىعىنىڭ اتقارۋشى ديرەكتورى نۇرلىحان حامزات تٸلشٸلەرگە بەرگەن سۇحباتىندا ينتەرنەت-ساۋدانى باستاعانداعى العاشقى تەجٸريبەلەرٸمەن بٶلٸستٸ.
«العاشىندا بٸز شاعىن عانا كەڭسە اشىپ, جۇمىسىمىزدى باستاعانبىز. ەڭ العاشقى تاۋارىمىز كەدٸمگٸ كٶكٶنٸس كەسكٸش قۇرال بولدى. سىرت كٶزگە وعاش ەستٸلەتٸن بولار, بٸراق بٸز ينتەرنەت-ساۋدانى دەل وسىلاي 8 ناۋرىزدىڭ الدىندا باستادىق. ەڭ العاشقى كٷننٸڭ ٶزٸندە بٸدٸڭ تاۋارعا 200 ادام قىزىعۋشىلىق بٸلدٸرٸپ, تاپسىرىس بەردٸ. ال بٸزدە بار جوعى 50 كٶكٶنٸس كەسكٸش قۇرال بولاتىن. ودان ەرٸ جۇمىسىمىزدى جالعاستىرىپ باسقا دا تاۋارلاردى تٸكەلەي زاۋىتقا تاپسىرىس بەرۋ ارقىلى ساتا باستادىق. بارلىعىن ٶزٸمٸز جارنامالاپ, ساتىپ جەنە تاۋاردى ساتىپ الۋشىعا جەتكٸزٸپ وتىردىق», – دەدٸ نۇرلىحان حامزات.
ايتا كەتەلٸك, «قازپوشتا» اق مۇنداي شارانى ەر ايدا ٶتكٸزٸپ تۇرادى. وسى جولى ەلەكتروندى ساۋداعا قىزىعۋشىلىق تانىتىپ, شاراعا قاتىسقاندار سانى 100-دەن استى. بۇل دەگەنٸمٸز ونلاين-ساۋداعا حالىقتىڭ كٷن ارتىپ قىزىعۋشىلىق تانىتىپ كەلۋٸنٸڭ كٶرسەتكٸشٸ.
قاليدوللا ەيگەرٸم
