«قازمۇنايگاز» ۇك اق باسقارما تٶراعاسى اليك ايدارباەۆ الداعى بەس جىلدا كومپانييانىڭ شىعىندارى وڭتايلاندىرىلىپ, 730 ملرد تەڭگە ٷنەمدەلەتٸنٸن مەلٸم ەتتٸ, دەپ حابارلايدى قازاقپارات.
«قاۋٸپسٸزدٸك كەڭەسٸنٸڭ سوڭعى وتىرىسىندا جاھاندىق قاۋٸپتٸڭ اينالاسىنداعى جاعداي الاڭداتارلىق ستسەنارييمەن ٶربٸپ بارا جاتقانىن اتاپ ٶتكەن ەدٸڭٸز. بٸز قازٸرگٸ تاڭدا ەلەمدٸك قارجى نارىقتارى كوروناداعدارىس سالدارىن قانشالىقتى اۋىر ٶتكەرٸپ جاتقانىن باقىلاپ وتىرمىز. مۇناي باعاسى تىم تٶمەندەپ كەتكەن جاعدايلار دا تٸركەلدٸ. اكتسييالاردىڭ كوتيروۆكاسى دا ايتارلىقتاي تٶمەندەپ كەتتٸ. ۆر, Shell, Exxon Mobil قاتارلى مۇناي-گاز مەنەدجەرلەرٸنٸڭ بەرٸنٸڭ دە تابىسى تٶمەندەدٸ. كەيبٸرٸ تٸپتٸ شىعىنعا باتتى», - دەدٸ اليك ايدارباەۆ ەلباسى نۇرسۇلتان نازارباەۆتىڭ تٶراعالىعىمەن ٶتكەن «سامۇرىق-قازىنا» كەڭەسٸنٸڭ وتىرىسىندا.
ونىڭ ايتۋىنشا وسىنداي جاعدايعا جاۋاپ رەتٸندە «قازمۇنايگاز» كومپانيياسى بٸرقاتار شۇعىل شارا قابىلداعان.
«بٸرٸنشٸدەن بٸز داعدارىسقا قارسى ستراتەگييا تۇجىرىمداماسىن ەزٸرلەدٸك. ول بٸزدٸڭ جۇمىسىمىزدىڭ نەگٸزگٸ ٷش باعىتىن قامتيدى. بٸرٸنشٸسٸ – قارجى سالاسى. ياعني «قازمۇنايگازعا» كەلٸپ جاتقان قارجى اعىمىن ارتتىرىپ, قارىز جٷكتەمەسٸن باسقارۋ ٸسٸنە نازار اۋدارىلادى. ەكٸنشٸسٸ – وپەراتسييالىق جۇمىستار. شىعىنعا باتپاۋ ٷشٸن ٶندٸرٸستٸڭ وڭتايلى دەڭگەيٸنە ماڭىز بەرٸلەدٸ. ٷشٸنشٸسٸ – داعدارىستان كەيٸنگٸ دامۋ, اكتيۆتەر پورتفەلٸن قايتا قۇرىلىمداۋ. بۇل داعدارىستى ٸسكە اسىرۋدىڭ العاشقى قادامى رەتٸندە قۇرىلىمدى وڭتايلاندىرىپ, ورتالىق اپپاراتتاعى كادرلار سانىن قىسقارتۋ, سونىمەن قاتار كومپانييا باسشىلىعىنىڭ ايلىعىن ازايتۋ جۇمىسى تاڭدالدى. ارتىنشا كومپانييالار توبى بويىنشا شىعىندارلى قىسقارتا باستادىق. وسىلايشا جالپى شىعىندار 2020 جىل بويىنشا 146 ملرد تەڭگەگە دەيٸن قىسقارتىلدى. الداعى بەس جىلدا وسى ٸزبەن 730 ملرد تەڭگەنٸ ٷنەمدەگٸمٸز كەلەدٸ. بۇل جۇمىس جالعاسادى. وڭتايلاندىراتىن رەزەرۆ ەلٸ دە بار دەگەن ويدامىز», - دەدٸ اليك ايدارباەۆ.
«قازمۇنايگاز» باسشىسى وڭتايلاندىرۋدىڭ قاعيداتىنا جۇمىس ورىندارىن قىسقارتۋ دا قوسىلاتىنىن ايتىپ ٶتتٸ.
