ەنەرگەتيكا مينيسترلٸگٸندە ٶتكەن كەڭەستەن سوڭ پاۆلودار مۇناي-حيمييا زاۋىتى باس ديرەكتورى جۇمىستان بوساتىلدى, - دەپ حابارلايدى "ۇلت اقپارات" ۇلتتىق مۇناي كومپانيياسىنىڭ سايتىنا سٸلتەمە جاساپ.
2017 جىلعى 7 قاراشادا ەنەرگەتيكا مينيسترٸ قانات بوزىمباەۆ جۇمىس كەڭەسٸن ٶتكٸزدٸ. وندا قازاقستاننىڭ ٷش مٶز-ٸن جاڭعىرتۋدىڭ اعىمداعى مەسەلەلەرٸ تالقىلاندى. توپ-مەنەدجەرلەردٸڭ ەرقايسىسى زاۋىتتارداعى قالىپتاسقان جاعدايدى جەنە ججم-نىڭ بارلىق تٷرٸن جەتكٸلٸكتٸ مٶلشەردە ٶندٸرۋدٸڭ جاڭا مەرزٸمدەرٸ تۋرالى باياندادى.
پمحز باس ديرەكتورى شۋحرات دانبايدىڭ اقپاراتى بويىنشا ەۋرو-4 جەنە ەۋرو-5 كلاستى جوعارى وكتاندى بەنزيندٸ ٷلكەن كٶلەمدە ٶندٸرۋگە مٷمكٸندٸك بەرەتٸن جابدىق - كاتوليتيكالىق كرەكينگتٸڭ جاڭا قوندىرعىسىن سىناۋ 10 قاراشاعا بەلگٸلەنگەن.
الايدا, تاعى بٸر ٷلكەن پروبلەما بار ەكەندٸگٸ انىقتالدى - زاۋىتتا ديزەل وتىنىن ٶندٸرۋگە قاجەت سۋتەكتٸ ٶندٸرۋ قوندىرعىسى بٸرنەشە اپتا بويى جۇمىس ٸستەمەي تۇر. ونى جٶندەۋ جەلتوقساننىڭ ورتاسىنا دەيٸن سوزىلۋى مٷمكٸن, بۇل ەلٸمٸزدە ديزەل وتىنىنىڭ جەتٸسپەۋشٸلٸگٸنە الىپ كەلۋٸ مٷمكٸن.
"قاراشا جەنە جەلتوقسان ايلارىندا زاۋىتتا ديزەل وتىنىن ٶندٸرۋ 150 مىڭ توننادان 25 مىڭ تونناعا دەيٸن تٶمەندەيدٸ, ياعني اي سايىن 125 مىڭ تونناعا كەم. بۇل ايقىن جاعداي. سٸزدەر جۇمىستى ورىندامادىڭىزدار", - دەدٸ ق. بوزىمباەۆ ش. دانبايعا. ٶز كەزەگٸندە "قازمۇنايگاز" ۇك" اق باسقارما تٶراعاسى ساۋات مىڭباەۆ ٸشكٸ نارىقتا ساتۋ ٷشٸن قازٸرگٸ نارىقتىق باعامەن - ليترىنا 157-160 تەڭگە - يمپورتتىق (رەسەيلٸك) ديزەل وتىنىن ساتىپ الۋ ارقىلى كومپانييا ٶز شىعىنى ەسەبٸنەن قالىپتاسقان پروبلەمانى شەشەتٸندٸگٸن حابارلادى.
قر ەنەرگەتيكا مينيسترلٸگٸندە ٶتكەن كەڭەستٸڭ قورىتىندىلارى بويىنشا "قازمۇنايگاز - قايتا ٶڭدەۋ جەنە ماركەتينگ" اق ديرەكتورلار كەڭەسٸنٸڭ شەشٸمٸمەن دانباي شۋحرات ابدۋراشيتوۆيچ اتقاراتىن قىزمەتٸنەن بوساتىلدى. "پمحز" جشس باس ديرەكتورىنىڭ مٸندەتٸن اتقارۋشى بولىپ السەيتوۆ وسپانبەك بالتاباەۆيچ تاعايىندالدى.
