فوتو: Akorda.kz
مەملەكەت باسشىسى «قازمۇنايگاز» ۇك» اق باسقارما تٶراعاسى ماعزۇم مىرزاعاليەۆتٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆقا ۇلتتىق كومپانييا قىزمەتٸنٸڭ نەتيجەسٸ جٶنٸندە مەلٸمەت بەرٸلدٸ. بيىلعى 8 ايدا مۇناي جەنە گاز كوندەنساتىن ٶندٸرۋ, مۇناي تاسىمالداۋ جەنە قايتا ٶڭدەۋ كٶرسەتكٸشتەرٸ بويىنشا ٶسٸم بار ەكەنٸ اتاپ ٶتٸلدٸ.
ماعزۇم مىرزاعاليەۆتٸڭ ايتۋىنشا, «قازمۇنايگاز» ۇك» اق مۇنايدىڭ وتاندىق برەندٸ KEBCO (Kazakhstan Export Blend Crude Oil) ٶندٸرٸسٸن باستادى. قازٸرگٸ تاڭدا KEBCO مۇنايىنىڭ ەكسپورت كٶلەمٸ تۇراقتى تٷردە ارتىپ كەلەدٸ. بۇل رەتتە KEBCO مۇنايىنىڭ باعاسى بيىلعى تامىز ايىندا Brent مۇناي ماركاسىنىڭ باعاسىنان اسىپ تٷستٸ.
سونداي-اق پرەزيدەنتكە مۇناي ٶڭدەۋ زاۋىتتارىنان جانار-جاعارماي جٶنەلتۋ قارقىنى, سونىڭ ٸشٸندە كٷزگٸ جيىن-تەرٸن ماۋسىمىندا اۋىل شارۋاشىلىعى تاۋارىن ٶندٸرۋشٸلەردٸڭ قاجەتتٸلٸگٸن قامتاماسىز ەتۋ ٸسٸ جٶنٸندە باياندالدى. اتاپ ايتقاندا, «قازمۇنايگاز» كومپانيياسى ەگٸن جيناۋ ناۋقانىنا 426 مىڭ توننا ديزەل وتىنىن بٶلگەن.
سونىمەن قاتار مەملەكەت باسشىسىنا كومپانييانىڭ تانكەر فلوتىن كەڭەيتۋ, سونىڭ ٸشٸندە كاسپيي تەڭٸزٸ مەن باسقا دا اشىق تەڭٸز اكۆاتورييالارىندا ەنەرگەتيكالىق رەسۋرستاردى تاسىمالداۋعا ارنالعان ٸرٸ تونناجدى تانكەرلەر سانىن كٶبەيتۋ جۇمىستارى تۋرالى مەلٸمەت بەرٸلدٸ.
قاسىم-جومارت توقاەۆقا ۇلتتىق كومپانييانىڭ ٶڭٸرلەردە جٷزەگە اسىرىپ جاتقان ەلەۋمەتتٸك جوبالارى جٶنٸندە ەسەپ بەرٸلدٸ. اتاپ ايتقاندا, پرەزيدەنتكە ماڭعىستاۋ وبلىسىنىڭ جاڭاٶزەن قالاسىن اۋىزسۋمەن قامتاماسىز ەتۋ ٷشٸن جاڭا سۋ تۇشىتۋ زاۋىتىنىڭ قۇرىلىسى باستالعانى جەنە استراحان – ماڭعىشلاق ماگيسترالدى سۋ قۇبىرىن رەكونسترۋكتسييالاۋ جۇمىستارىنىڭ بارىسى جٶنٸندە باياندالدى.
كەزدەسۋ سوڭىندا مەملەكەت باسشىسى ينۆەستيتسييالىق جوبالاردى جٷزەگە اسىرۋ, كٶمٸرسۋتەگٸ ەكسپورتىن ارتتىرۋ جەنە گەولوگييالىق بارلاۋ جۇمىستارىنىڭ اۋقىمىن كەڭەيتۋ جٶنٸندە بٸرقاتار ناقتى تاپسىرما بەردٸ. سونداي-اق پرەزيدەنت مۇناي مەن گازدى تەرەڭ ٶڭدەۋ سالاسىنا باسا مەن بەرۋ ماڭىزدى ەكەنٸن اتاپ ٶتتٸ.
