ەلٸمٸزدە ستۋدەنتتەر ٷشٸن جاتاقحانادا 63 مىڭنان استام ورىندى قامتاماسىز ەتۋ كەرەك. بۇل تۋرالى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قر بٸلٸم جەنە عىلىم مينيسترلٸگٸ «قارجى ورتالىعى» اق باسقارما تٶراعاسى اسقار يبرايموۆ ايتتى, دەپ حابارلايدى قازاقپارات.
«ستۋدەنتتٸك جاتاقحانالاردى سالۋ جەنە جاڭعىرتۋعا توقتالساق, 2018 جىلى ەلٸمٸزدٸڭ تۇڭعىش پرەزيدەنتٸ بەس ەلەۋمەتتٸك باستاماسىن جارييالاعان بولاتىن, سولاردىڭ بٸرٸ ستۋدەنت جاستاردىڭ ٶمٸر سٷرۋ جاعدايلارىن جاقسارتۋعا باعىتتالعان. وسى مٸندەتكە قول جەتكٸزۋ ٷشٸن جەكەمەنشٸك سەكتوردىڭ اۋقىمدى قاتىسۋىن كٶزدەيتٸن مەملەكەتتٸك تاپسىرىستى ورنالاستىرۋ تەتٸگٸ ەزٸرلەندٸ. بٸز ينۆەستورلاردى, جەكە كەسٸپكەرلەردٸ مەملەكەتتٸڭ قارجىلىق قولداۋىمەن ستۋدەنتتٸك جاتاقحانالار قۇرىلىسىنا قارجى سالۋعا شاقىرامىز. بۇل پروتسەسكە كەزەكتٸ ەلەۋمەتتٸك نىساندى تۇرعىزۋ رەتٸندە ەمەس, تابىستى, تۇراقتى جەنە كەلەشەگٸ مول بيزنەس-جوبا رەتٸندە ەلدەقايدا اۋقىمدى قاراۋدى ۇسىنامىن. ەرٸ وسىلاي ايتۋعا بارلىق العىشارتتار بار», - دەدٸ ا. يبرايموۆ.
ونىڭ ايتۋىنشا, بۇل تۇرعىدا جوعارى سۇرانىس بايقالىپ وتىر. ٶيتكەنٸ, قازٸرگٸ كەزدە ەلٸمٸزدە 63 مىڭعا جۋىق ستۋدەنت جاتاقحاناداعى ورىنعا مۇقتاج. بۇل مەگاپوليستەردەن باستاپ وبلىستىق ماڭىزى بار قالالارعا دەيٸنگٸ ەلٸمٸزدٸڭ بارلىق ٶڭٸرلەرٸنە تەن قاجەتتٸلٸك. الداعى ۋاقىتتا ستۋدەنتتەر كونتينگەنتٸ ٶسەتٸن بولادى. ەلبەتتە, بۇل جاعداي ستۋدەنتتٸك جاتاقحانالارعا دەگەن سۇرانىستىڭ ارتۋىنا ەسەر ەتەدٸ.
