ۆاليۋتانىڭ ايىرباس باعامىنان پايدا تابۋعا تىرىسۋدىڭ ەش مەنٸ جوق. مۇنداي پٸكٸردٸ بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرگەن قر ۇلتتىق بانكٸ تٶراعاسى دانييار اقىشەۆ بٸلدٸردٸ, دەپ حابارلايدى قازاقپارات.
«قازاقستاندا ايىرباس باعاسى ەركٸندٸككە جٸبەرٸلگەن. بۇل ونىڭ نەگٸزٸنەن ۇلتتىق بانكتٸڭ قاتىسۋىنسىز قالىپتاساتىندىعىن بٸلدٸرەدٸ. ياعني, ول سۇرانىس پەن ۆاليۋتا نارىعىنداعى ۇسىنىسقا وراي قالىپتاسىپ وتىرادى. قازٸرگٸ ۋاقىتتا ورىن الىپ وتىرعان جايت سىرتقى فاكتورلاردى قوسا العاندا بارىنشا جايلى», - دەدٸ ول.
وسى رەتتە دانييار اقىشەۆ قازاقستاننىڭ سىرتقى نارىققا شىعاراتىن ەكسپورتتىق ٶنٸمدەرٸنٸڭ باعاسى كٶتەرٸلە تٷسكەندٸگٸن, سوعان وراي ەلگە كەلەتٸن ۆاليۋتالىق تٷسٸم دە ارتاتىندىعىن اتاپ ٶتتٸ.
«بۇل رەتتە اتالعان ۆاليۋتالىق تٷسٸمنٸڭ قازاقستانعا قانشالىقتى جىلدام جەتەتٸندٸگٸنە جەنە شەتەل ۆاليۋتاسىنىڭ قوسىمشا ۇسىنىسىن قامتاماسىز ەتۋٸنە بايلانىستى. سونىمەن قاتار, ساۋدا سەرٸكتەس ەلدەردەگٸ احۋالدىڭ جەنە ايىرباس باعامىنىڭ دا تۇراقتى ەكەندٸگٸن كٶرٸپ وتىرمىز. سوندىقتان قانداي دا بٸر الاڭداۋشىلىققا نەگٸز جوق», - دەدٸ ول.
سونىمەن قاتار ۇلتتىق بانك تٶراعاسى ەل ازاماتتارىنا ايىرباس پۋنكتەرٸنە جٷگٸرٸپ, ۆاليۋتا الۋعا جەنە سودان پايدا تابۋعا تىرىسۋدىڭ قاجەتٸ جوق ەكەندٸگٸن ەسكەرتتٸ.
«وسى نارىقتا پايدا تاۋىپ قالۋعا تىرىساتىن ازاماتتارعا دا, كەسٸپورىندارعا دا تاعى بٸر مەرتە ايتقىم كەلەدٸ. بٸز مۇنى بٸرنەشە مەرتە قايتالادىق تا. ايىرباس باعامى ٶزگەرگەن كەزدە ايىرباس پۋنكتٸنە جٷگٸرٸپ, سودان پايدا تابۋعا تىرىسۋدىڭ ەش مەنٸ جوق. شىعىنعا باتىپ قالۋعا دا بولادى. ٶيتكەنٸ, ماكروەكونوميكالىق احۋال جاقسى. بٸز تەڭگە باعامى ارتىق باعالانىپ وتىر دەپ سانايمىز. ونىڭ نىعايا تٷسۋٸ دە ىقتيمال. سوندىقتان قازٸر ۆاليۋتا ساتىپ الىپ جاتقان ادامدار ۇتىلاتىن بولادى», - دەدٸ دانييار اقىشەۆ.
