«ۇلتتىق ۆولونتەرلەر جەلٸسٸ» زتب تٶراعاسى ۆەرا كيم قازٸر ۆولونتەرلەر كٶبٸنە جالعىزباستى ادامدارعا كٶمەكتەسٸپ جاتقانىن ايتادى, دەپ حابارلايدى قازاقپارات.
«بٸزدٸڭ ۇلتتىق ۆولونتەرلٸك جەلٸ اشقان سەنٸم تەلەفونى تۋرالى ايتا كەتسەم دەيمٸن. تٶتەنشە جاعداي كەزٸندە بٸزگە كٶمەك سۇراپ, 2 مىڭنان استام ادام قوڭىراۋ شالدى. ەرينە, زەينەت جاسىنداعى ادامدار دا حابارلاسىپ جاتتى. بٸز 851 وتباسىنا كٶمەكتەستٸك. تٸزٸم جاساپ, ۆولونتەرلەر سول بويىنشا كٶمەكتەستٸ. بٸر رەت كٶمەك الىپ, ەندٸ باسقالارعا كٶمەكتەسٸڭٸزدەر دەگەن ادامدار دا بولعانىن اتاپ ٶتۋ كەرەك», - دەدٸ ۆەرا كيم وكق ونلاين باسپاسٶز مەسليحاتىندا.
ۆەرا كيم قازٸرگٸ ۋاقىتتا جالعىزباستى ادامدارعا كٶبٸرەك كٶمەك بەرٸلٸپ جاتقانىن ايتادى.
«قازٸر جالعىز قالعان ادامدار ٶمٸردٸڭ قيىندىعىمەن بەتپە-بەت كەلٸپ تۇرعانىن ايتا كەتۋ كەرەك. ونداي ساناتتاعى ادامداردىڭ بٸرازى - ەگدە جاستاعىلار. ولارعا بٸر رەت اپارىلعان ازىق-تٷلٸك 1-2 اپتاعا جەتۋٸ مٷمكٸن. كەيدە بٸزگە ەكٸنشٸ رەت حابارلاساتىن زەينەتكەرلەر دە بولادى. وندايدا قاراجاتىمىز بولسا, مٸندەتتٸ تٷردە بارىپ, ازىق-تٷلٸك اپارىپ بەرەمٸز», - دەيدٸ ول.
