28 تامىزدا تاشكەنت ەۋەجايىندا قاجىلىق جاساۋ ٷشٸن ساۋد ارابيياسىنا مۇسىلماندار دٸني باسقارماسىنىڭ رۇقساتىنسىز بارعان 35 ازامات ۇستالدى. ۇستالعانداردىڭ بٸرٸ ازاتتىقتىڭ ٶزبەك قىزمەتٸنە ولاردى مەملەكەتتٸك قاۋٸپسٸزدٸك قىزمەتٸ ٶكٸلدەرٸ توقتاتقانىن, تٶلقۇجاتتارىن الىپ, جەتٸ ساعات سۇراق-جاۋاپ العان سوڭ بوساتقانىن ايتتى.
تاشكەنت ەۋەجايىندا ۇستالعانداردىڭ بٸرٸنٸڭ ايتۋىنشا, ارنايى قىزمەت ٶكٸلدەرٸ ودان "قاجىلىققا كٸممەن بارعانىن, قاجىلار توبىنا كٸم جەتەكشٸلٸك ەتكەنٸن, ساپار ٷشٸن قانشا قاراجات تٶلەگەنٸن, ول جاقتا كٸممەن كەزدەسكەنٸن" سۇراعان.
"سۇراق-جاۋاپ كەزٸندە ولار بٸزگە تاشكەنتتٸك داۆرون ەسٸمدٸ ساقالدى جٸگٸتتٸ كٶرسەتٸپ, "مىنا جٸگٸتكە قانشا تٶلەدٸڭدەر?" دەپ سۇرادى. وسى كەزدە ارامىزدا بولعان ەيەلدەردٸڭ بٸرٸ ايعايلاپ سٶيلەي باستادى: "30 جىل بويى قاجىلىققا بارۋ كەزەگٸمدٸ كٷتتٸم, اقىرىندا كەزەككە ٸلٸنە المادىم. بٸز ول جاقتا جامان نەرسە جاساعان جوقپىز عوي, قاجىلىق كەزٸندە پرەزيدەنتتٸڭ ساۋلىعى ٷشٸن دۇعا تٸلەدٸك" دەدٸ. ونىڭ سٶزٸنەن كەيٸن جاعداي سەل جەڭٸلدەگەندەي بولدى. بٸزدٸ ول جاقتا جەتٸ ساعات ۇستادى, بەرٸمٸزدٸڭ تٶلقۇجاتتارىمىزدى الىپ الدى. سوسىن تٶلقۇجاتتارىڭدى سۇراق-جاۋاپقا شاقىرىلعان كەزدە ميليتسييا بٶلٸمشەلەرٸنەن الاسىڭدار دەپ ٷيٸمٸزگە جٸبەردٸ", - دەدٸ ۇستالعانداردىڭ بٸرٸ.
2017 جىلى 7 ماۋسىمدا قابىلدانعان دٸن ٸستەرٸ جٶنٸندەگٸ كوميتەت ەرەجەسٸنە سەيكەس, ٶزبەك ازاماتتارىنا كٸشٸ جەنە ٷلكەن قاجىلىق جاساۋ ٷشٸن مەككەگە مۇسىلماندار دٸني باسقارماسىنىڭ رۇقساتىنسىز جەكە فيرمالار ارقىلى بارۋىنا تىيىم سالىنعان. وسى ەرەجەگە سەيكەس, ٶزبەكستانداعى ساۋد ارابيياسى ەلشٸلٸگٸ دە ٶزبەك ازاماتتارىنا دٸني باسقارماسىنىڭ رۇقساتىنسىز ۆيزا بەرۋدٸ توقتاتقان.
الايدا بۇل شەكتەۋلەرگە قاراماستان سوڭعى ەكٸ جىلدا ٶزبەك ازاماتتارىنىڭ دۋبايداعى جەكە فيرمالاردان ۆيزا الۋعا ٶتٸنٸش الىپ, قاجىلىققا بارۋدى جالعاستىرىپ جاتقانى جايلى ارا-تۇرا حابارلامالار تاراعان.
تاشكەنت ەۋەجايىندا ۇستالعانداردىڭ بٸرٸ مەككەگە مۇسىلماندار دٸني باسقارماسى ارقىلى بارۋ ٶتە قىمبات ەكەنٸن, شامامەن تٶرت مىڭ اقش دوللار تۇراتىنىن ايتقان.
ٶزبەكستانداعى مۇسىلماندار دٸني باسقارماسىنىڭ قاجىلىقپەن اينالىساتىن بٶلٸمٸنٸڭ ٶكٸلٸ سايداكمالحون شاكيروۆ ەۋەجايداعى ۇستاۋلار جايلى حابارسىز ەكەنٸن ايتتى. ول جەكە فيرمالاردىڭ كٶمەگٸمەن قاجىلىققا بارۋ زاڭسىز ەكەنٸن ەسكەرتكەن.
ازاتتىقتىڭ ٶزبەك قىزمەتٸ باس پروكۋراتۋرا مەن مەملەكەتتٸك قاۋٸپسٸزدٸك قىزمەتٸنەن جاۋاپ الا المادى.
2017 جىلى ٶزبەكستاندا قاجىلىققا بارۋ بويىنشا كۆوتا سانى 40 پايىزعا ارتقان ياعني, 5200 ادامنان - 7200 ادامعا دەيٸن كٶبەيگەن. جاڭا ەرەجەگە سەيكەس, ەلدە كٸشٸ جەنە ٷلكەن قاجىلىققا قايتالاپ بارۋعا تىيىم سالىنعان.
بۇعان دەيٸن ٶزبەكستاندا مەككەگە بارۋ ٷشٸن كٶپ ازاماتتاردىڭ جىلدار بويى كٷتەتٸنٸن جازعان ەدٸك. كەيبٸر ازاماتتار بۇل سالاداعى جەمقورلىققا دا شاعىمدانعان.
