فوتو: qaj.kz
«قازاۆتوجول «ۇك» اق باسقارما تٶراعاسى مەيٸرحات قاسىمباەۆ ٶز شەشٸمٸمەن قىزمەتٸنەن كەتكەنٸن مەلٸمدەدٸ, دەپ حابارلايدى "ۇلت اقپارات".
"قۇرمەتتٸ دوستار, قادٸرلٸ ەرٸپتەستەر! بٷگٸن جەكە شەشٸمٸمە سەيكەس "قازاۆتوجول "ۇك" اق باسقارما تٶراعاسى قىزمەتٸن اياقتادىم. ەكٸ جىلعا جۋىق ۋاقىت ٸشٸندە ەرٸپتەستەرٸممەن بٸرلەسە قۇرىلىسى ۇزاققا سوزىلعان جولداردى قولعا الىپ, جوبالاردى اياقتاۋ ٷشٸن ايانباي ەڭبەك ەتتٸك.
ٷلكەن جۇمىس اتقارىلدى. بٷگٸنگٸ تاڭدا رەسپۋبليكالىق اۆتوجولدار جەلٸسٸندە جۇمىسى توقتاپ تۇرعان بٸردە-بٸر جول جوباسى جوق دەپ سەنٸممەن ايتا الامىن. سوڭعى ەكٸ جىل ٸشٸندە 7 ملن توننا اسفالت تٶسەلدٸ. بۇل دەگەنٸمٸز - شامامەن 2,5 مىڭ شاقىرىم جول جاڭا اسفالتپەن قامتىلدى دەگەن سٶز.
ەل اۋزىندا جٷرگەن اتىراۋ-استراحان, قازتالوۆ-جەنٸبەك-رف شەكاراسى, ٶنەگە-بيسەن-سايحىن كٷرە جولدارىندا جۇمىستار قايتا باستالدى. بۇل جولداردىڭ قۇرىلىسى اياقتالۋعا جاقىن. اقتٶبە-قاندىاعاش, ٷشارال-دوستىق, تالدىقورعان-قالباتاۋ-ٶسكەمەن, قاراعاندى-بالقاش, كٷرتٸ-بۇرىلبايتال, مەركٸ - بۇرىلبايتال جەنە ت. ب. باعىتتاردا اسفالت تٶسەلٸپ, جول قوزعالىسى اشىلدى" - دەپ جازدى ول Instagram-داعى پاراقشاسىندا.
سونداي-اق قاسىمباەۆ مەملەكەت باسشىسىنىڭ تاپسىرماسىنا سەيكەس بٸرىڭعاي اۆتوجول كومپانيياسىن قۇرۋ اياسىندا جۇمىس جٷرگٸزٸلگەنٸن اتاپ ٶتتٸ.
"جىل سايىن ماتەريالدىق-تەحنيكالىق بازا مەن ارنايى جول تەحنيكا پاركٸ جاڭارتىلىپ وتىردى. ارنايى تەحنيكا سانىن 400 بٸرلٸككە ارتتىردىق. بۇل جولداردى كٷتٸپ-ۇستاۋ جۇمىستارىنىڭ ساپاسىن ەدەۋٸر جاقسارتۋعا مٷمكٸندٸك بەرەدٸ.
جاسىراتىنى جوق, اۆتوجول سالاسى مەملەكەت باسشىسىنىڭ تاراپىنان دا, تۇرعىندارىمىزدىڭ تاراپىنان دا بٸرنەشە رەت سىنعا ۇشىرادى. جولدىڭ مەسەلەسٸ بٸر كٷندە شەشٸلمەيدٸ. وڭ ٶزگەرٸسكە قول جەتكٸزۋ ٷشٸن جٷيەلٸ تٷردە جۇمىستانۋ كەرەك. پرەزيدەنتتٸڭ تاپسىرماسىنا سەيكەس بىلتىردان بەرٸ سالانى رەفورمالاۋ ٷشٸن بٸرقاتار شارا قابىلدانىپ جاتىر. ٶز تاراپىمىزدان شەتەلدٸك تەجٸريبەگە سٷيەنە وتىرىپ, قۇزىرەتتٸ ورگاندارعا بٸرقاتار ۇسىنىس جولدادىق.
جولشىنىڭ ماماندىعى كابينەتتە وتىرماي, ٷنەمٸ قۇرىلىس باسىندا بولۋدى تالاپ ەتەدٸ. بۇل قاعيدانى ساقتادىق.
ەرٸپتەستەرٸمە, جۇمىسىنا ادال قاراعان مەردٸگەرلەرگە جەنە كٷندٸز-تٷنٸ جولدا جٷرگەن ەربٸر جولشى مامانعا العىس ايتامىن!" - دەپ تٷيٸندەدٸ ەكس-تٶراعا.
