«قازاۆياقۇتقارۋ» اق مي-8امت تٸكۇشاعى اقمولا وبلىسى اۋماعىندا شۇعىل قونۋعا مەجبٷر بولدى, دەپ حابارلايدى قازاقپارات «قازاۆياقۇتقارۋ» اق باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, تٸكۇشاق جەدەل شاقىرۋ بويىنشا نۇر-سۇلتاننان شىعىپ, ەكٸباستۇز قالاسىنا بارا جاتقان.
«2021 جىلعى 26 قاراشادا قر تجم «قازاۆياقۇتقارۋ» اق مي-8امت تٸكۇشاعى ۇلتتىق شۇعىل مەديتسينانى ٷيلەستٸرۋ ورتالىعىنىڭ جەدەل ٶتٸنٸمٸ بويىنشا «نۇر-سۇلتان – ەكٸباستۇز» باعىتىندا شىققان. الايدا, اقمولا وبلىسى ەرەيمەنتاۋ اۋدانى ٶرنەك ەلدٸ مەكەنٸنٸڭ اۋماعىندا مەجبٷرلٸ تٷردە قوندى (نۇر-سۇلتان قالاسىنان شامامەن 100 كم). بورتتا 5 ادامنان تۇراتىن ەكيپاج, 2 دەرٸگەر بولدى. مەجبٷرلٸ قونۋدىڭ الدىن الا سەبەبٸ - وڭ قوزعالتقىشتىڭ تەربەلٸسٸ. تٸكۇشاق امان-ەسەن قوندى, زارداپ شەككەندەر جوق. ەكيپاج مەن دەرٸگەرلەر رەزەرۆتٸك ەۋە كەمەسٸمەن شىعارىلدى. مي-8امت تٸكۇشاعى كەپٸلدٸكتە تۇر, ٶندٸرۋشٸ زاۋىتپەن بٸرلەسٸپ ەۋە كەمەسٸنٸڭ ينسپەكتسيياسى ورىندالاتىن بولادى», - دەپ تٷسٸندٸردٸ تٸلشٸ ساۋالىنا «قازاۆياقۇتقارۋ» اق باسپاسٶز قىزمەتٸندەگٸلەر.
ايتا كەتسەك, بۇل تۋرالى بٷگٸن ساعات 12:40-تا اقمولا وبلىسى تجد داعدارىستىق جاعدايلار باسقارماسىنا حابار تٷسكەن بولاتىن.
