ەلٸمٸزدە Covid-19-عا ارنالعان دەرٸ-دەرمەكپەن قامتاماسىز ەتۋگە قاتىستى بٸرقاتار شارالار قابىلداندى. بۇل تۋرالى ورتالىق كوممۋنيكاتسييالار قىزمەتٸ الاڭىندا «قر دسم ٶزەكتٸ مەسەلەلەرٸ: پاندەمييا كەزٸندەگٸ مەديتسينالىق كٶمەكتٸڭ قول جەتٸمدٸلٸگٸ تۋرالى» تاقىرىپتا ٶتكەن ونلاين بريفينگتە ايتىلدى, دەپ حابارلايدى قازاقپارات.
«كوروناۆيرۋستىڭ تارالۋ قاۋپٸنٸڭ الدىن الۋ ٷشٸن بٸرقاتار شارالاردى قولعا الامىز. كوروناۆيرۋستىڭ جاڭا تولقىنى بولا قالعان جاعدايدا ەلٸمٸز بويىنشا 70 000 ورىن قاراستىرۋعا دايىنبىز, ونىڭ 51 مىڭى ستاتسيونارلاردا Covid-19-عا ارنالعان ورىندار. دەرٸ-دەرمەكپەن قامتاماسىز ەتۋگە قاتىستى بٸرقاتار شارالار قابىلداندى. Covid-19-عا ارنالعان دەرٸ-دەرمەكتەردٸ 2 ايعا ارتىعىمەن الىپ قويدىق, ول ايماقتارعا تاراتىلىپ قويدى. ونىڭ قۇنى 11,4 ميلليارد تەڭگە. بارلىق ايماقتا ەڭ قاجەتتٸ دەگەن دەرٸ-دەرمەكتەر ٷشٸن 13 ميلليارد تەڭگە كٶلەمٸندە تۇراقتاندىرۋ قورى قۇرىلدى. امبۋلاتورييالىق دەڭگەيدەگٸ دەرٸ-دەرمەكتەر تٸزٸمٸ ۇلعايدى. Covid-19-عا ارنالعان تاعى 5 دەرٸ قوسىلدى», - دەيدٸ قر دەنساۋلىق ساقتاۋ مينيسترٸ الەكسەي تسوي.
ونىڭ ايتۋىنشا, كوروناۆيرۋستى ٷيدە ەمدەۋ ٷشٸن 1 ميلليون ناۋقاسقا ارنالعان تەگٸن دەرٸ-دەرمەك قاراستىرىلعان.
«سونداي-اق, 2,2 ميلليون تەڭگەگە تۇماۋعا قارسى ۆاكتسينا ساتىپ الىندى. ۆاكتسينا ەگۋ 15 قىركٷيەكتەن باستالدى. قازٸرگٸ ۋاقىتقا دەيٸن 1 ميلليونعا جۋىق ادامعا ەكپە جاسالدى. ينفەكتسييالىق جەنە پروۆيزورلىق ستاتسيونارلاردا 3379 ٶكپەنٸ جاساندى جەلدەتەتٸن اپپارات بار. قوسىمشا 2 619 دانا وسىنداي اپپارات ساتىپ الىنادى, ونىڭ ٸشٸندە 1 500 اپپارات وتاندىق ٶنٸم. 21 مىڭ ورىن وتتەگٸمەن قامتاماسىز ەتٸلدٸ, قازان ايىنىڭ سوڭىنا دەيٸن قوسىمشا 9 000-نان استام ورىن وتتەگٸمەن قامتاماسىز ەتٸلەدٸ. اۋداندىق اۋرۋحانالارعا ەلٸمٸزدە شىعارىلعان قوسىمشا 53 رەنتگەن اپپاراتى الىنادى. جەدەل جەردەم قىزمەتٸ 1 167 دانا سانيتارلىق اۆتوكٶلٸكپەن قامتاماسىز ەتٸلەدٸ. اۋىلداعى حالىقتىڭ مەديتسينالىق قىزمەتكە قولجەتٸمدٸلٸگٸ 100-گە جۋىق جىلجىمالى مەديتسينالىق كەشەندٸ ساتىپ الۋمەن جٷزەگە اسىرىلادى. ول اۋداندارعا قازان ايىنىڭ ورتاسىنا دەيٸن جەتكٸزٸلەدٸ», - دەيدٸ ول.
