قازاقتىڭ جەرٸ ەشبٸر شەتەلدٸكتٸڭ مەنشٸگٸنە بەرٸلمەيدٸ, ەشقاشان ساتىلمايدى. پرەزيدەنت قاسىم-جومارت توقاەۆ وسىنى ەر ازاماتىمىز ساناسىنا بەرٸك سٸڭٸرۋٸ قاجەتتٸگٸن مەلٸم ەتتٸ, دەپ حابارلايدى "ۇلت اقپارات".
«قازاقستان – بٸرتۇتاس مەملەكەت. ەلٸمٸز وڭتٷستٸك, سولتٷستٸك, باتىس, شىعىس دەپ بٶلٸنبەيدٸ. بۇل – تەك باعىتتى بٸلدٸرەتٸن شارتتى اتاۋلار. 2018 جىلى ەلباسىنىڭ جارلىعىمەن وڭتٷستٸك قازاقستان وبلىسىنا تٷركٸستان اتاۋى بەرٸلدٸ. تاريحي ەدٸلدٸكتٸ قالپىنا كەلتٸرگەن ورىندى شەشٸمدٸ حالىق بٸراۋىزدان قولداپ, ٶتە جىلى قابىلدادى. ٶيتكەنٸ, مۇنداعى شەجٸرەلٸ شاھار عانا ەمەس, تۇتاس ٶڭٸر كٶنە زامانداردان بەرٸ تٷركٸستان دەپ اتالعان. وسى يگٸ ٷردٸستٸ ەلٸمٸز بويىنشا جالعاستىرۋعا بولادى. بٸز مۇنداي قادامداردى بايىپپەن جاسايمىز.
جەرگە بايلانىستى بەرٸمٸز ايقىن بٸلەتٸن جەنە بۇلجىمايتىن اقيقات – قازاقتىڭ جەرٸ ەشبٸر شەتەلدٸكتٸڭ مەنشٸگٸنە بەرٸلمەيدٸ, ەشقاشان ساتىلمايدى. وسىنى ەر ازاماتىمىز ساناسىنا بەرٸك سٸڭٸرۋٸ قاجەت. كەلەسٸ جىلى جەر كودەكسٸنٸڭ جەكەلەگەن نورمالارىنا قاتىستى ەنگٸزٸلگەن موراتورييدٸڭ مەرزٸمٸ اياقتالادى. اۋىل شارۋاشىلىعى ماقساتىنداعى جەرلەردٸ اينالىمعا ەنگٸزٸپ, حالىقتىڭ يگٸلٸگٸنە جاراتۋ – ٶتە ماڭىزدى مەسەلە. سوندىقتان, بيىل جەر مەسەلەسٸ جٶنٸندەگٸ كوميسسييانى قۇرىپ, سونىڭ اياسىندا بٸر بايلامعا كەلگەن جٶن», - دەپ جازدى پرەزيدەنت «تەۋەلسٸزدٸك بەرٸنەن قىمبات» اتتى ماقالاسىندا.
مەملەكەت باسشىسى قازاق ٷشٸن توقىمداي جەردٸڭ ٶزٸ قىمبات, بٸر ۋىس توپىراقتىڭ ٶزٸ التىن ەكەنٸن ايتىپ ٶتتٸ.
«بٸراق بٸز سونى باعالاي بٸلەمٸز بە?! جەر قادٸرٸن بٸلۋ جالاڭ ۇرانمەن ٶلشەنبەيدٸ. ٶكٸنٸشكە قاراي, اسقار تاۋلارىمىز بەن ايدىن كٶلدەرٸمٸزدٸ, ۇلان-عايىر دالامىزدى لاستاپ جاتقان دا ٶز ازاماتتارىمىز. كٶكجايلاۋعا وت جاعىپ, قوقىس شاشىپ كەتكەن دە, كٶبەيتۇزدىڭ باتپاعىن شەلەكتەپ تاسىپ, كٶلدٸڭ ورتاسىندا كٶلٸكپەن ويقاستاعان دا سولار. بٸر تۇتام مٷيٸزٸ ٷشٸن كٶزٸن مٶلدٸرەتٸپ كيٸكتەردٸ قىرعان دا ٶزگەلەر ەمەس. قاسيەتتٸ جەرٸمٸزدٸڭ كيەسٸنەن قورىقپاي, جات جۇرتتىڭ دا قولى بارماس ەرەكەتتەردٸ جاساپ وتىرىپ, قالايشا وسى مەكەننٸڭ يەسٸمٸز دەپ كەۋدە سوعا الامىز? بۇل – اششى دا بولسا, شىندىق. بٸز جەرٸمٸزدٸڭ شىن جاناشىر يەسٸ ەكەنٸمٸزدٸ ناقتى ٸسپەن كٶرسەتۋگە تيٸسپٸز. ول كٶشەگە قوقىس تاستاماۋ, كٶرٸنگەن جەرگە وت جاقپاۋ سيياقتى قاراپايىم نەرسەلەردەن باستاپ, جالپىحالىقتىق سيپاتتاعى اۋقىمدى ەكولوگييالىق شارالار ارقىلى كٶرٸنٸس تابۋى قاجەت», - دەدٸ ول.
