قازاقتىڭ وسى كلاسسيكالىق ٶنەرٸنەن ەتنوس ٶكٸلدەرٸ باق سىنايتىن جوعارى دەڭگەيدەگٸ بايقاۋلار ۇيىمداستىرىلۋى تيٸس. بۇل بايقاۋلاردىڭ باس جٷلدەسٸ ايتىسقا تٸگٸلەتٸن كٶلٸكپەن بٸردەي بولماسا, كەم بولماۋى كەرەك. بۇل تۋرالى «ۇلى دالانىڭ ۇلتارالىق تٸلٸ» رەسپۋبليكالىق فورۋمىندا قر ۇلتتىق گۆارديياسى ەن-بي انسامبلٸنٸڭ كونتسەرتمەيستەرٸ دەنيس ياكوۆلەۆ ايتتى, دەپ حابارلايدى قازاقپارات.
«مەن 1991 جىلى قوستاناي وبلىسى, امانقاراعاي اۋىلىندا تۋعانمىن. ۇلتتىم – ورىس. ن. وستروۆسكيي اتىنداعى ورتا مەكتەپتٸ بٸتٸردٸم. قازٸر احمەت بايتۇرسىنوۆ اتىنداعى قوستاناي ايماقتىق ۋنيۆەرسيتەتٸندە وقيمىن. مەن بالا كەزٸمنەن ەن ايتامىن. العاشقى رەت ٷلكەن ساحنادا, قازاق تٸلٸندە باتىرحان شٷكەنوۆتٸڭ «وتان انا» ەنٸن ورىندادىم. ول كەزدە سەگٸزٸنشٸ سىنىپتا وقيتىن ەدٸم. بۇل ەندٸ ماعان مارقۇم ۇستازىم سەرەبروۆ ۆالەريي اناتولەۆيچ ٷيرەتتٸ», - دەيدٸ دەنيس ياكوۆلەۆ.
ول قازاقشا سٶيلەۋدٸ ەسكەردە ٷيرەنگەنٸن ايتتى.
«ەسكەري ورتا ماعان بارىنشا كٶمەكتەستٸ. قارۋلاس دوستارىم جاقىن تارتىپ, مەنٸمەن قازاق تٸلٸندە سٶيلەستٸ. قازاق تٸلٸندە قالاي سٶيلەپ كەتكەنٸمدٸ ٶزٸم دە بايقاماي قالدىم. بٸراق ٷيرەنەتٸنٸم ەلٸ دە كٶپ. ەڭ قىزىعى, ەسكەردەن كەيٸن مۋزىكالىق كوللەدجگە تٷسكٸم كەلگەن كەزدە, مەن تانداعان ماماندىق بويىنشا تەك قازاق توبى بولدى. سوسىن مەن نار تەۋەكەل دەپ كٶزٸمدٸ جۇمدىم دا تٷسٸپ كەتتٸم. تٸل ٷيرەنگەنٸمنٸڭ ارقاسىندا, ٶمٸرٸمدە كٶپتەگەن ٶزگەرٸستەر ورىن الدى. تىنداۋشىلارىمنىڭ اياسى دا, دوستارىم دا كٶبەيدٸ. قىزمەت اتقارۋ بارىسىندا رەسپۋبليكالىق ەسكەري ەندەر كونكۋرسىنا قاتىسىپ, 2-ورىنعا يە بولدىم. كەيٸن, وسى جەتٸستٸكتەر ۇلتتىق ۇلان ەن – بي انسامبلٸنە قىزمەتكە تۇرۋعا كٶمەكتەستٸ. قازٸر مەنٸڭ رەپەرتۋارىمدا كٶپ قازاقشا ەندەر بار. ولاردىڭ ٸشٸندە: حالىق ەندەرٸ, اۆتورلىق ەندەر, تاعى وپەرادان ٷزٸندٸلەر بار», - دەيدٸ ول.
ونىڭ ايتۋىنشا, ەندٸگٸ ماقساتى – ۇلتتىق ٶنەرٸمٸزدٸ دەرٸپتەپ, قازٸرگٸ جاستارعا ناسيحاتتاپ, دۇرىس باعىتتا كٶرسەتٸپ, سونى جٷرەكتەرٸنە جەتكٸزە ورىنداۋ.
«ۇلتتىق ٶنەرٸمٸزدٸ, مەدەنيەتٸمٸزدٸ, دەستٷرلٸ ەندەرٸمٸزدٸ جيٸ ناسيحاتتاۋىمىز كەرەك. ٶيتكەنٸ قازاقتىڭ سٶز قۇدٸرەتٸ, سٶز مارجانى – ۇلتتىق كلاسسيكالىق ەندەردٸڭ مەتٸنٸندە جاتىر. قازاقتىڭ وسى كلاسسيكالىق ٶنەرٸنەن ەتنوس ٶكٸلدەرٸ باق سىنايتىن جوعارى دەڭگەيدەگٸ بايقاۋلار ۇيىمداستىرىلۋى تيٸس. بۇل بايقاۋلاردىڭ باس جٷلدەسٸ ايتىسقا تٸگٸلەتٸن كٶلٸكپەن بٸردەي بولماسا, كەم بولماۋى كەرەك. بۇل ٶز كەزەگٸندە ٶزگە ەتنوس جاستارىنا قازاقتىڭ ٶنەرٸ مەن تٸلٸن بٸلۋگە, ٷيرەنۋگە داڭعىل جول اشادى دەپ ويلايمىن», - دەيدٸ دەنيس ياكوۆلەۆ.
