تەلەفون قوڭىراۋى ارقىلى الدايتىن الاياقتارعا جول جوق. قازاقتەلەكوم, الماتى پروكۋراتۋراسى جەنە كسەلل ەندٸ فرود-قوڭىراۋلارمەن بٸرلەسٸپ كٷرەسەتٸن بولادى. تاياۋدا بۇل تۋرالى تاراپتار كەلٸسٸپ, تيٸستٸ مەموراندۋمعا قول قويدى.
ايتا كەتەيٸك, قازاقتەلەكوم مەن كسەلل وپەراتورلارىنىڭ انتيفرود-جٷيەلەرٸنٸڭ ارقاسىندا قازاقستاندىقتاردىڭ ۇيالى تەلەفوندارىنا حالىقارالىق نٶمٸرلەردٸ اۋىستىرا وتىرىپ, 5 000-نان استام الاياقتىق قوڭىراۋ سوعىلعانى انىقتالدى. وسى دەرەكتەردٸڭ نەگٸزٸندە الماتى پروكۋراتۋراسى رۇقسات ەتٸلمەگەن ترافيكتٸڭ كٶزدەرٸن انىقتادى. نەتيجەسٸندە الاياقتىق قوڭىراۋلاردى ۇيىمداستىرۋعا ارنالعان 4 SIM-box جابدىعى تابىلدى.
«قازاقتەلەكوم قازاقستانداعى ٸرٸ بايلانىس وپەراتورلارىنىڭ بٸرٸ رەتٸندە تەلەفون الاياقتىعىمەن بەلسەندٸ كٷرەس جٷرگٸزۋدە. كومپانييادا ارنايى قازاقتەلەكوم ٷشٸن ەزٸرلەنگەن انتيفرود جٷيەسٸ ورناتىلعان. وسى جىلدىڭ 11 ايىندا انتيفرود-ٸس-شارالار شەڭبەرٸندە قازاقتەلەكوم جەلٸسٸندە 5 ملن-نان استام الاياقتىق سيپاتتاعى قوڭىراۋلار بۇعاتتالدى. فرود ينتسيدەنتتەردٸ پىسىقتاۋ ماقساتىندا 24/7 تەرتٸبٸندە تەۋلٸك بويى جۇمىستى توقتاتپايدى. الاياقتاردىڭ ٸس-ەرەكەتٸنەن زارداپ شەككەن ابونەنت تۋرالى اقپارات العان كەزدە ترافيككە تالداۋ جاسالادى, انتيفرود جٷيەسٸنە مۇنداي قىلمىستىڭ قايتالانۋىن بولدىرماۋ ٷشٸن بۇعاتتاۋ ٷشٸن جاڭا ەرەجەلەر دەرەۋ قويىلادى», - دەپ اتاپ ٶتتٸ «قازاقتەلەكوم» اق اقپاراتتىق قاۋٸپسٸزدٸك جٶنٸندەگٸ باسقارۋشى ديرەكتورى دميتريي تىرتىشنىي.
IP جەنە SIP تەلەفونيياسىن پايدالانىپ, قازاقستاننان تىس جەردەن شابۋىل جاسايتىن الاياقتار ەندٸ قازاقستان ازاماتتارىنىڭ قالالىق نٶمٸرلەرٸنە حابارلاسا المايدى. ارنايى جٷيە ولاردىڭ قوڭىراۋلارىن تانيدى جەنە بۇعاتتاپ تاستايدى, بۇل تەلەفون ارقىلى الاياقتىق دەڭگەيٸن تٶمەندەتٸپ قانا قويماي, ولاردى تولىعىمەن توقتاتۋعا مٷمكٸندٸك بەردٸ. بىلتىر الاياقتاردىڭ ەرەكەتٸنەن 900-دەن استام ازامات زارداپ شەگٸپ, جالپى شىعىن 1,9 ملرد. تەڭگەنٸ قۇراسا, ەندٸ جٷيە ەنگٸزٸلگەن سەتتەن باستاپ ولار ەلٸمٸزدٸڭ بٸردە-بٸر تۇرعىنىن الداي المادى.
«قازاقتەلەكوم ٶز جەلٸسٸندەگٸ قوڭىراۋلاردى بۇعاتتاپ قانا قويماي, قوڭىراۋلاردىڭ كٶزٸن انىقتاۋ ماقساتىندا حالىقارالىق وپەراتورلارمەن بەلسەندٸ جۇمىس جٷرگٸزۋدە. بۇل بالتىق ەلدەرٸ, گونكونگ, كيپر, ۇلىبريتانييادا تٸركەلگەن, بٸراق قىزمەتكەرلەرٸ مەن باسشىلارى تمد ەلدەرٸنٸڭ ازاماتتارى بولىپ تابىلاتىن شاعىن ترانزيتتٸك وپەراتورلار», - دەپ قورىتىندىلادى دميتريي تىرتىشنىي.
وپەراتورلار الاياقتىق تەلەفون قوڭىراۋلارىن بۇعاتتاي باستاعاندىقتان, ەندٸ قىلمىسكەرلەر WhatsApp جەنە Telegram موبيلدٸ قوسىمشالارىنىڭ مٷمكٸندٸكتەرٸن پايدالانا باستادى, وسى مەسسەندجەرلەردٸڭ كٶمەگٸمەن ولار اڭقاۋ ازاماتتارعا قوڭىراۋ شالۋدا.
